ಅಕ್ರಮ ರಫ್ತಿಗೆ ಸಂಚು: ಭಾರತೀಯನಿಗೆ ಜೈಲು

ನ್ಯೂಯಾರ್ಕ್‌: ವಿಮಾನದ ಬಿಡಿಭಾಗಗಳನ್ನು ಒರೆಗಾನ್‌ನಿಂದ ರಷ್ಯಾಕ್ಕೆ ಅಕ್ರಮವಾಗಿ ರಫ್ತು ಮಾಡಲು ಸಂಚು ರೂಪಿಸಿದ್ದ ಪ್ರಕರಣದಲ್ಲಿ ಭಾರತೀಯ ಪ್ರಜೆಗೆ ಅಮೆರಿಕದಲ್ಲಿ ಎರಡೂವರೆ ವರ್ಷ ಜೈಲು ಶಿಕ್ಷೆ ವಿಧಿಸಲಾಗಿದೆ.

ದೆಹಲಿಯ ಸಂಜಯ್‌ ಕೌಶಿಕ್‌ (58) ಶಿಕ್ಷೆಗೆ ಗುರಿಯಾದವರು.

‘ತಮಗೆ ಹಾಗೂ ತಾನು ಪ್ರತಿನಿಧಿಸುವ ಭಾರತದ ಕಂಪನಿಗಾಗಿ ಎಂಬ ಕಾರಣ ನೀಡಿ ಈ ಬಿಡಿಭಾಗಗಳನ್ನು ಖರೀದಿ ಮಾಡಲಾಗಿತ್ತು. ಆದರೆ, ಅವುಗಳನ್ನು ರಷ್ಯಾಕ್ಕೆ ರಫ್ತು ಮಾಡುವ ಉದ್ದೇಶದಿಂದ ಖರೀದಿಸಲಾಗಿತ್ತು ಎಂಬುದು ತನಿಖೆ ಬಳಿಕ ಗೊತ್ತಾಯಿತು‘ ಎಂದು ನ್ಯಾಯಾಂಗ ಇಲಾಖೆ ಹೇಳಿಕೆಯಲ್ಲಿ ತಿಳಿಸಿದೆ.