ಮೋದಿ ಹೇಳಿಕೆಗೆ ಪಾಕ್ ವಾಗ್ದಾಳಿ

ಇಸ್ಲಾಮಾಬಾದ್: ‘ಯಾವುದೇ ಆಕ್ರಮಣಕಾರಿ ಕ್ರಮವನ್ನು ಪರಿಣಾಮಕಾರಿಯಾಗಿ ತಡೆಯಬೇಕೆಂಬ ಜನರ ಮತ್ತು ದೇಶದ ಸಶಸ್ತ್ರ ಪಡೆಗಳ ಸಂಕಲ್ಪವನ್ನು ಯಾರೇ ಆಗಲಿ ಕೀಳಾಗಿ ಕಾಣಬಾರದು’ ಎಂದು ಬುಧವಾರ ಪಾಕಿಸ್ತಾನ ಹೇಳಿದೆ.

ಭಾರತದ ವಿರುದ್ಧ ಪಾಕಿಸ್ತಾನ ಪರೋಕ್ಷವಾಗಿ ದಾಳಿಗಳನ್ನು ನಡೆಸಿದ್ದರ ಕುರಿತು ಪ್ರಧಾನಿ ನರೇಂದ್ರ ಮೋದಿ ಅವರು ವಾಗ್ದಾಳಿ ನಡೆಸಿದ ಒಂದು ದಿನದ ಬಳಿಕ, ಪಾಕಿಸ್ತಾನ ಈ ಹೇಳಿಕೆ ನೀಡಿದೆ.

ನವದೆಹಲಿಯಲ್ಲಿ ಮಂಗಳವಾರ ಎನ್‌ಸಿಸಿ ಕೆಡೆಟ್‌ಗಳನ್ನು ಉದ್ದೇಶಿಸಿ ಮಾತನಾಡಿದ್ದ ಮೋದಿ, ‘ಪಾಕಿಸ್ತಾನ ನೆಲಕಚ್ಚುವಂತೆ ಮಾಡಲು ಭಾರತೀಯ ಸಶಸ್ತ್ರ ಪಡೆಗಳು ಒಂದು ವಾರ ಅಥವಾ 10 ದಿನಗಳಿಗಿಂತ ಹೆಚ್ಚಿನ ಸಮಯ ತೆಗೆದುಕೊಳ್ಳುವುದಿಲ್ಲ’ ಎಂದು ಹೇಳಿದ್ದರು.