ಇಸ್ರೇಲ್‌ನೊಂದಿಗಿನ ಸ್ನೇಹಕ್ಕೆ ಭಾರತೀಯರು ಮಹತ್ವ ನೀಡುತ್ತಾರೆ: ನರೇಂದ್ರ ಮೋದಿ
ಮೋದಿ, ಇಸ್ರೇಲ್‌ ಪ್ರಧಾನಿ ಬೆನೆಟ್‌ ಮಾತುಕತೆ
Published 2 ನವೆಂಬರ್ 2021, 8:26 IST
ಪ್ರಧಾನಿ ನರೇಂದ್ರ ಮೋದಿ
ಗ್ಲಾಸ್ಗೋ: ‘ಭಾರತೀಯರು ಇಸ್ರೇಲ್‌ನೊಂದಿಗಿನ ಸ್ನೇಹಕ್ಕೆ ಹೆಚ್ಚು ಮಹತ್ವ ನೀಡುತ್ತಾರೆ’ ಎಂದು ಪ್ರಧಾನಿ ನರೇಂದ್ರ ಮೋದಿ ಮಂಗಳವಾರ ಹೇಳಿದರು.
‘ಸಿಒಪಿ26 ಹವಾಮಾನ ಬದಲಾವಣೆ ಶೃಂಗಸಭೆ’ ಸಂದರ್ಭದಲ್ಲಿ ಇಸ್ರೇಲ್‌ ಪ್ರಧಾನಿ ನಫ್ತಾಲಿ ಬೆನೆಟ್‌ ಅವರೊಂದಿಗೆ ನಡೆಸಿದ ಮಾತುಕತೆ ವೇಳೆ ಅವರು ಈ ಅಭಿಪ್ರಾಯ ವ್ಯಕ್ತಪಡಿಸಿದರು.
‘ಉಭಯ ದೇಶಗಳ ನಡುವಿನ ದ್ವಿಪಕ್ಷೀಯ ಬಾಂಧವ್ಯವನ್ನು ಮತ್ತಷ್ಟು ಗಟ್ಟಿಗೊಳಿಸಲು ಎರಡೂ ದೇಶಗಳು ಒಟ್ಟಿಗೆ ಶ್ರಮಿಸುವುದು ಅಗತ್ಯ’ ಎಂದು ಮೋದಿ ಹೇಳಿದರು.
‘ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಕೊನೆಗೂ ಭೇಟಿಯಾಗಿರುವುದು ಖುಷಿ ತಂದಿದೆ’ ಎಂದು ನಫ್ತಾಲಿ ಬೆನೆಟ್‌ ಅವರು ಟ್ವೀಟ್‌ ಮಾಡಿದ್ದಾರೆ.
ವಿದೇಶಾಂಗ ಸಚಿವ ಎಸ್‌.ಜೈಶಂಕರ್‌ ಸಹ ನಫ್ತಾಲಿ ಅವರೊಂದಿಗೆ ವಿವಿಧ ವಿಷಯಗಳ ಕುರಿತು ಇದೇ ಸಂದರ್ಭದಲ್ಲಿ ಚರ್ಚಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.