ಸಿಂಗಪುರ ಏರ್ ಷೋಗೆ ಚಾಲನೆ: ಕೋವಿಡ್ ಕಾರಣದಿಂದ ಎರಡು ವರ್ಷ ನಡೆದಿರಲಿಲ್ಲ
ಕೋವಿಡ್ ಕಾರಣದಿಂದ ಎರಡು ವರ್ಷಗಳಿಂದ ನಡೆಯದ ಪ್ರದರ್ಶನ
Published 15 ಫೆಬ್ರುವರಿ 2022, 10:16 IST
ಸಿಂಗಪುರದಲ್ಲಿ ಮಂಗಳವಾರ ಆರಂಭಗೊಂಡ ಏರ್ ಷೋನಲ್ಲಿ ಇಂಡೊನೇಷ್ಯಾದ ವಾಯುಪಡೆಯ ‘ಜುಪಿಟರ್’ ತಂಡದ ವಿಮಾನಗಳು ಪ್ರದರ್ಶಿಸಿದ ವೈಮಾನಿಕ ಕಸರತ್ತು –ರಾಯಿಟರ್ಸ್‌ ಚಿತ್ರ
ಸಿಂಗಪುರ: ‘ಸಿಂಗಪುರ ಏರ್ ಷೋ’ಗೆ ಮಂಗಳವಾರ ಸರಳವಾಗಿ ಚಾಲನೆ ನೀಡಲಾಯಿತು. ಈ ವೈಮಾನಿಕ ಪ್ರದರ್ಶನ ಮೂರು ದಿನಗಳ ಕಾಲ ನಡೆಯಲಿದೆ.
ಕೋವಿಡ್–19 ಪಿಡುಗಿನ ಕಾರಣದಿಂದಾಗಿ ಕಳೆದ ಎರಡು ವರ್ಷಗಳಿಂದ ಈ ವೈಮಾನಿಕ ಪ್ರದರ್ಶನ ನಡೆದಿರಲಿಲ್ಲ. ಕೋವಿಡ್‌ಗೆ ಸಂಬಂಧಿಸಿದ ನಿರ್ಬಂಧಗಳನ್ನು ಸಂಪೂರ್ಣವಾಗಿ ಸಡಿಲಗೊಳಿಸದ ಕಾರಣ, ಇಂದು ಆರಂಭಗೊಂಡ ಷೋಗೆ ಸಾರ್ವಜನಿಕರಿಗೆ ಪ್ರವೇಶ ನೀಡಲಾಗಿಲ್ಲ.
600 ಉದ್ದಿಮೆಗಳು ತಮ್ಮ ಉತ್ಪನ್ನಗಳು ಹಾಗೂ ಸೇವೆಗಳನ್ನು ಈ ಕಾರ್ಯಕ್ರಮದಲ್ಲಿ ಪ್ರದರ್ಶನ ಮಾಡಲಿವೆ. ಬೋಯಿಂಗ್, ಏರ್‌ಬಸ್, ಲಾಕ್‌ಹೀಡ್ ಮಾರ್ಟಿನ್ ಪಾಲ್ಗೊಂಡಿರುವ ಪ್ರಮುಖ ಕಂಪನಿಗಳಾಗಿವೆ. 2020ರಲ್ಲಿ ನಡೆದ ಏರ್ ಷೋನಲ್ಲಿ 930 ಕಂಪನಿಗಳು ಭಾಗವಹಿಸಿದ್ದವು.
ಕೋವಿಡ್‌ಗೆ ಸಂಬಂಧಿಸಿದ ತನ್ನ ನೀತಿಗಳ ಕಾರಣದಿಂದಾಗಿ ಚೀನಾದ ಕಂಪನಿಗಳು ಈ ಪ್ರದರ್ಶನದಿಂದ ದೂರ ಉಳಿದಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.