ಭಾರೀ ನಷ್ಟದ ನಂತರ ಹೊಸ ಪಡೆಗಳನ್ನು ಕಳುಹಿಸುತ್ತಿರುವ ರಷ್ಯಾ: ಉಕ್ರೇನ್ ಅಧ್ಯಕ್ಷ

ಕೀವ್‌: ಉಕ್ರೇನ್‌ನಲ್ಲಿ ಮಿಲಿಟರಿ ಕಾರ್ಯಾಚರಣೆಯನ್ನು ಆರಂಭಿಸಿರುವ ರಷ್ಯಾಗೆ ಭಾರೀ ನಷ್ಟವಾಗಿದೆ. ಆ ಹಿನ್ನೆಲೆಯಲ್ಲಿ ಹೊಸ ಪಡೆಗಳನ್ನು ರಷ್ಯಾ ಕಳುಹಿಸುತ್ತಿದೆ ಎಂದು ಉಕ್ರೇನ್‌ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್‌ಸ್ಕಿ ತಿಳಿಸಿದ್ದಾರೆ.

ಮೆಲಿಟೊಪೋಲ್ ನಗರದ ಮೇಯರ್‌ ಅವರನ್ನು ರಷ್ಯಾ ಅಪಹರಿಸಿದೆ ಎಂದು ಝೆಲೆನ್‌ಸ್ಕಿ ಆರೋಪಿಸಿದ್ದಾರೆ.

ಈ ಕುರಿತು ಟಿವಿಯಲ್ಲಿ ಮಾತನಾಡಿರುವ ಅವರು, ‘ಮೆಲಿಟೊಪೋಲ್‌ ಮೇಯರ್‌ ಅವರನ್ನು ರಷ್ಯಾ ಬಿಡುಗಡೆ ಮಾಡಬೇಕು. ಈ ವಿಚಾರದಲ್ಲಿ ರಷ್ಯಾ ಮೇಲೆ ಒತ್ತಡ ಹೇರಲು ಜರ್ಮನ್‌ ಚಾನ್ಸೆಲರ್ ಓಲಾಫ್ ಸ್ಕೋಲ್ಜ್ ಹಾಗೂ ಫ್ರೆಂಚ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಅವರೊಂದಿಗೆ ಮಾತನಾಡಿದ್ದೇನೆ’ ಎಂದು ಝೆಲೆನ್‌ಸ್ಕಿ ಹೇಳಿದ್ದಾರೆ.

ಇದೇ ವೇಳೆ, ಮಾರಿಯುಪೋಲ್‌ನಲ್ಲಿ ಕದನ ವಿರಾಮವನ್ನು ಎತ್ತಿಹಿಡಿಯುವಂತೆಯೂ ಝೆಲೆನ್‌ಸ್ಕಿ ರಷ್ಯಾವನ್ನು ಒತ್ತಾಯಿಸಿದ್ದಾರೆ.