25 ವರ್ಷಗಳ ಹಿಂದೆ: ಗುರುವಾರ, ಜುಲೈ 4, 1996

ಪೆಟ್ರೋಲ್‌ ದರ ಏರಿಕೆ ದೇಶವ್ಯಾಪಿ ಖಂಡನೆ
ನವದೆಹಲಿ, ಜುಲೈ 3 (ಪಿಟಿಐ, ಯುಎನ್‌ಐ)– ಕೇಂದ್ರ ಸರ್ಕಾರವು ಹಠಾತ್ತಾಗಿ ನಿನ್ನೆ ರಾತ್ರಿಯಿಂದ ಜಾರಿಗೆ ಬರುವಂತೆ ಪೆಟ್ರೋಲಿಯಂ ಉತ್ಪನ್ನಗಳ ಬೆಲೆಯನ್ನು ಶೇ 25ರಷ್ಟು ಹೆಚ್ಚಿಸಿರುವುದಕ್ಕೆ ದೇಶದಾದ್ಯಂತ ವ್ಯಾಪಕ ವಿರೋಧ ವ್ಯಕ್ತವಾಗಿದೆ.

ಸಂಯುಕ್ತ ರಂಗದ ಸಹ ಪಕ್ಷಗಳು, ಸಿಪಿಎಂ, ಕಾಂಗ್ರೆಸ್‌, ಭಾರತೀಯ ಜನತಾ ಪಕ್ಷ, ಹಲವಾರು ಕಾರ್ಮಿಕ ಸಂಘಟನೆಗಳು ಸರ್ಕಾರದ ಈ ಕ್ರಮವನ್ನು ಉಗ್ರವಾಗಿ ಖಂಡಿಸಿವೆ.