25 ವರ್ಷಗಳ ಹಿಂದೆ | ವಿಮಾನ ದುರಂತ: ಪತ್ನಿಸಮೇತ ಕೆನಡಿ ಪುತ್ರ ಸಾವು?

ವಿಮಾನ ದುರಂತ: ಪತ್ನಿಸಮೇತ ಕೆನಡಿ ಪುತ್ರ ಸಾವು?

ಹಿಯಾನಿಸ್ಟೋರ್ಟ್ (ಮೆಸಾಚುಸೆಟ್ಸ್) ಜುಲೈ 18 (ರಾಯಿಟರ್ಸ್)– ಹತ್ಯೆಗೊಳಗಾದ ಅಮೆರಿಕದ ಅಧ್ಯಕ್ಷ ಜಾನ್ ಎಫ್ ಕೆನಡಿ ಅವರ ಪುತ್ರ ಜಾನ್ ಎಫ್ ಕೆನಡಿ (ಜೂನಿಯರ್) (38) ಅವರ ವಿಮಾನ ಅಪಘಾತ
ಕ್ಕೀಡಾಗಿದ್ದು, ಅವರು ಪತ್ನಿ ಹಾಗೂ ಅತ್ತಿಗೆಯ ಜತೆ ಸಾವಿಗೀಡಾಗಿದ್ದಾರೆ ಎಂದು ಶಂಕಿಸಲಾಗಿದೆ. 

ಕುಟುಂಬದ ವಿವಾಹ ಸಮಾರಂಭದಲ್ಲಿ ಭಾಗವಹಿಸಲು ಇವರು ಹೋಗುತ್ತಿದ್ದರು.

ಬಿಜೆಪಿ ಸಖ್ಯ ಬಿಡಲು ಹೆಗಡೆ,ಜಾರ್ಜ್‌ಗೆ ದಳ ಷರತ್ತು

ನವದೆಹಲಿ, ಜುಲೈ 18– ಭಾರತೀಯ ಜನತಾ ಪಕ್ಷದ ಬಾಂಧವ್ಯವನ್ನು ಕಳಚಿಕೊಂಡು
ಬರುವುದಾದರೆ ಮಾತ್ರ ಲೋಕಶಕ್ತಿ ಮತ್ತು ಸಮತಾ ಪಕ್ಷಗಳ ಜತೆ ಚುನಾವಣೆ ಹೊಂದಾಣಿಕೆ ಮಾಡಿಕೊಳ್ಳುವ ಸಂಬಂಧ ಈ ಎರಡು ಪಕ್ಷಗಳ ನಾಯಕರ ಜತೆ ಮಾತನಾಡಲು ಜನತಾದಳದ ರಾಜಕೀಯ ವ್ಯವಹಾರಗಳ ಸಮಿತಿಯು ಪಕ್ಷದ ಅಧ್ಯಕ್ಷ ಶರದ್ ಯಾದವ್ ಅವರಿಗೆ ಇಂದು ಇಲ್ಲಿ ಅಧಿಕಾರ ನೀಡಿತು.