25 ವರ್ಷಗಳ ಹಿಂದೆ: ಸೋನಿಯಾ ಮನ ಒಲಿಕೆಗೆ ಸಾಮೂಹಿಕ ರಾಜೀನಾಮೆ

ನವದೆಹಲಿ, ಮೇ 18 (ಯುಎನ್ಐ, ಪಿಟಿಐ)– ಸೋನಿಯಾ ಗಾಂಧಿಗೆ ಬೆಂಬಲದ ಸಂಕೇತವಾಗಿ ಹಾಗೂ ಅವರ ಮನ ಒಲಿಸಲು ಎಲ್ಲಾ ಐಎಐಸಿಸಿ ಪದಾಧಿಕಾರಿಗಳು ಹಾಗೂ ಕಾಂಗ್ರೆಸ್ ಸರ್ಕಾರಗಳಿರುವ ನಾಲ್ಕು ರಾಜ್ಯಗಳ ಮುಖ್ಯಮಂತ್ರಿಗಳು ಸೇರಿದಂತೆ ನೂರಾರು ಮಂದಿ ಇಂದು ತಮ್ಮ ಸ್ಥಾನಗಳಿಗೆ ಸಾಮೂಹಿಕ ರಾಜೀನಾಮೆ ನೀಡಿದರು. ಆದರೆ, ರಾತ್ರಿಯವರೆಗೆ ತಮ್ಮ ದೃಢ ನಿರ್ಧಾರಕ್ಕೇ ಗಟ್ಟಿಯಾಗಿ ಅಂಟಿಕೊಂಡಿರುವ ಸೋನಿಯಾ ಅವರು ರಾಜೀನಾಮೆ ವಾಪಸು ಪಡೆಯಲು ನಿರಾಕರಿಸಿದ್ದಾರೆ.