ಪ್ರಜಾವಾಣಿ 50 ವರ್ಷಗಳ ಹಿಂದೆ| ಭಾನುವಾರ 08 -11-2-1970

ಸಾಮಾಜಿಕ ನ್ಯಾಯ ಈಡೇರುವ ಆರ್ಥಿಕ ಬೆಳವಣಿಗೆ ಅಗತ್ಯ

ಬೆಳಗಾವಿ, ನ.7– ಸಾಮಾಜಿಕ ನ್ಯಾಯ ಈಡೇರುವ ರೀತಿ ದೇಶದ ಆರ್ಥಿಕ ಬೆಳವಣಿಗೆ ಆಗಬೇಕೆಂದು ರಾಷ್ಟ್ರಪತಿ ವಿ.ವಿ. ಗಿರಿ ಅವರು ಇಂದು ಇಲ್ಲಿ ಒತ್ತಿ ಹೇಳಿದರು.

ಆರ್ಥಿಕ ಬೆಳವಣಿಗೆ ಗುರಿ ಈಡೇರಿಕೆಯ ಒಂದು ಸಾಧನಮಾತ್ರ. ಆದರೆ ಅದೇ ಅಂತಿಮ ಗುರಿಯಲ್ಲ. ದೇಶದಲ್ಲಿ ಪ್ರತಿಯೊಬ್ಬರಿಗೂ ಅಗತ್ಯವಾದಷ್ಟು ಆಹಾರ, ಕುಡಿಯುವ ನೀರು, ಬಟ್ಟೆ, ವಸತಿ ಮೊದಲಾದ ಕನಿಷ್ಠ ಸೌಲಭ್ಯ ಸಿಗದಿದ್ದರೆ ಭಾರಿ ಕೈಗಾರಿಕೆಗಳು, ಅಣೆಕಟ್ಟುಗಳು ಮತ್ತು ವಿದ್ಯುತ್‌ ಯೋಜನೆಗಳಿಗೆ ಯಾವ ಮಹತ್ವವೂ ಇಲ್ಲ ಎಂದು ಅವರು ಹೇಳಿದರು.