ಈ ವರ್ಷ ವರ್ಗಾವಣೆ ಬೇಡ

ಈ ವರ್ಷ ನಮ್ಮ ರಾಜ್ಯದ ಅರ್ಧದಷ್ಟು ಭಾಗದಲ್ಲಿ ಬರಗಾಲವಿದೆ. ಜನ,ಜಾನುವಾರುಗಳ ಬವಣೆ ಹೇಳತೀರದು. ಬರ ಪೀಡಿತ ಪ್ರದೇಶಗಳ ಜನರಿಗಾಗಿ ಸರ್ಕಾರ ಸಾಕಷ್ಟು ಹಣ ಖರ್ಚು ಮಾಡುತ್ತಿದೆ.

ಬರ ನಿರ್ವಹಣೆಯಲ್ಲಿ ಹಲವು ಇಲಾಖೆಗಳ ನೌಕರರು ದುಡಿಯುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಈ ವರ್ಷ ಸಾಮಾನ್ಯ ವರ್ಗಾವಣೆಯನ್ನು ಸರ್ಕಾರ ಕೈಬಿಡಬೇಕು.ಸಾಮಾನ್ಯ ವರ್ಗಾವಣೆಯನ್ನು ಕೈಬಿಟ್ಟರೆ ಅದರಿಂದ ಉಳಿತಾಯವಾಗುವ ಹಣವನ್ನೂ ಸರ್ಕಾರ ಬರಪೀಡಿತ ಜನರಿಗೆ ಇನ್ನೂ ಹೆಚ್ಚಿನ ಸೌಕರ್ಯ ಒದಗಿಸಲು ಬಳಸಬಹುದು.