ಬಿಜೆಪಿ ಅನುಸರಿಸಿದರೆ ತಪ್ಪೇ?

ರಾಜ್ಯ ಸರ್ಕಾರದ ಆಡಳಿತ, ಯಾವ ರಾಜಕೀಯ ಪಕ್ಷದ ಹಿಡಿತದಲ್ಲಿರುವುದೋ, ಆ ಪಕ್ಷ ತನ್ನ ಬೆಂಬಲಿಗರನ್ನೋ ಹಿತೈಷಿಗಳನ್ನೋ ನಾಯಕರನ್ನೋ ತತ್ಸಮಾನ ವಿದ್ಯಾರ್ಹತೆಗೆ ತಕ್ಕಂತೆ ಅಕಾಡೆಮಿ, ನಿಗಮ, ಮಂಡಳಿ ಹಾಗೂ ಸ್ಥಳೀಯ ಸಂಸ್ಥೆಗಳಿಗೆ ನೇಮಿಸುವುದು ಇಲ್ಲವೇ ನಾಮನಿರ್ದೇಶನ ಮಾಡುವುದು ರೂಢಿ. ಈ ಪರಿಪಾಠವನ್ನು ಮೊದಲು ಆರಂಭಿಸಿದ್ದೇ ಕಾಂಗ್ರೆಸ್ ಪಕ್ಷ. ಬಳಿಕ ಜನತಾ ಪಕ್ಷ, ಜನತಾದಳ, ಬಿಜೆಪಿ ಅನುಸರಿಸಿದ್ದರಲ್ಲಿ ತಪ್ಪೇನಿದೆ?

ಕೇಂದ್ರ ಸರ್ಕಾರ ಕೂಡ ಇದೇ ಪರಿಪಾಠ ಅನುಸರಿಸುತ್ತಿದೆ. ವೈ.ಕೆ. ಮುದ್ದುಕೃಷ್ಣ ಅವರು ಬಿಜೆಪಿಯೊಂದನ್ನೇ ಗುರಿಯಾಗಿಟ್ಟುಕೊಂಡು ಟೀಕಿಸಿರುವುದು ಅರ್ಥಹೀನ. ಸರ್ಕಾರಿ ಸೇವೆಯಲ್ಲಿದ್ದಾಗ ಇದನ್ನೆಲ್ಲ ಗಮನಿಸಿಲ್ಲವೇ? ಮಲ್ಲೇಶ್ವರ, ಚಾಮರಾಜಪೇಟೆಯ ಉಲ್ಲೇಖ ಹಾಸ್ಯಾಸ್ಪದ. ಸರಿಯಲ್ಲ!