ಮೊದಲ ಮುಖ್ಯಮಂತ್ರಿ ಯಾರು?

‘ಮುಖ್ಯಮಂತ್ರಿಗಳ ಫಲಕ: ಪಾ.ಪು. ಎಚ್ಚರಿಕೆ’ ಎಂಬ ತಲೆ­ಬರ­ಹದ (ಪ್ರ.ವಾ. ಫೆ.9) ಸುದ್ದಿಯಲ್ಲಿ ವಿಧಾನಸೌಧದಲ್ಲಿ ಹಾಕಲಾಗಿರುವ ರಾಜ್ಯದ ಮುಖ್ಯಮಂತ್ರಿಗಳ ಫಲಕ­ದಲ್ಲಿ ಮೊದಲ ಮುಖ್ಯ­ಮಂತ್ರಿ ಕೆ.ಸಿ.­ರೆಡ್ಡಿ ಹೆಸರು ಬರೆದಿರುವುದಕ್ಕೆ ಆಕ್ಷೇಪ ಮಾಡಿರುವ ಹಿರಿಯ ಪತ್ರಕರ್ತ ಪಾಟೀಲ ಪುಟ್ಟಪ್ಪ ಅವರು, ಕರ್ನಾಟಕದ ಮೊದಲ ಮುಖ್ಯಮಂತ್ರಿ ಎಸ್.ನಿಜಲಿಂಗಪ್ಪ. ಹೀಗಾಗಿ ಫಲಕ­ದಲ್ಲಿ ಹೆಸರುಗಳ ಯಾದಿ ಸರಿಪಡಿಸ­ಬೇಕು ಎಂದು ಎಚ್ಚರಿಕೆ ನೀಡಿದ್ದಾರೆ.

ಪಾ.ಪು. ಹೇಳಿರುವುದು ಸಹ ತಪ್ಪು ಎನ್ನುವುದು ನನ್ನ ಅಭಿಪ್ರಾಯ. ಏಕೆಂದರೆ ರಾಜ್ಯಕ್ಕೆ ಕರ್ನಾಟಕ ಎಂಬ ಹೆಸರು ನಾಮಕರಣವಾದದ್ದು ಡಿ.­ದೇವರಾಜ ಅರಸು (೧೯೭೩)  ಮುಖ್ಯಮಂತ್ರಿ­ಯಾಗಿದ್ದ  ಕಾಲದಲ್ಲಿ. ಅಂದಮೇಲೆ ನಿಜಲಿಂಗಪ್ಪ­ನವರ ಹೆಸರು ಹಾಕುವುದು ತಪ್ಪಾಗುತ್ತದೆ.

ಕೆ.ಸಿ.ರೆಡ್ಡಿ ಮೈಸೂರು ರಾಜ್ಯದ ಮೊದಲ ಮುಖ್ಯಮಂತ್ರಿಯಾದರೆ, ಏಕೀಕೃತ ರಾಜ್ಯಕ್ಕೆ (೧೯೫೬) ಅಂದರೆ  ವಿಶಾಲ ಮೈಸೂರು ರಾಜ್ಯದ ಮೊದಲ ಮುಖ್ಯಮಂತ್ರಿ ­ನಿಜಲಿಂಗಪ್ಪ ಎನ್ನಬಹುದು. ಕರ್ನಾಟಕ ಎಂಬ ಹೆಸರಿನ ರಾಜ್ಯಕ್ಕೆ ಮೊದಲ ಮುಖ್ಯಮಂತ್ರಿ ದೇವರಾಜ ಅರಸು. ಆದುದರಿಂದ ಕರ್ನಾಟಕ ರಾಜ್ಯ ಮೊದಲ ಮುಖ್ಯಮಂತ್ರಿ ಅರಸು ಎಂಬುವುದೇ ಸೂಕ್ತ, ಅಲ್ಲವೇ?!