ಪ್ರೇಕ್ಷಕರ ಬರದಿಂದ ಬಳಲುವ ಸಭೆ, ಸಮಾರಂಭಗಳ ಆಮಂತ್ರಣ ಪತ್ರಿಕೆಗಳಲ್ಲಿ ‘ಸಭೆಯ ನಂತರ ತಿಂಡಿ–ಊಟದ ವ್ಯವಸ್ಥೆ ಇದೆ’ ಎಂಬ ವಾಕ್ಯ ಅಚ್ಚಾಗಿರುವುದನ್ನು ಕಾಣುತ್ತೇವೆ. ಈಗ ಶಾಸಕರನ್ನು ವಿಧಾನಸಭೆಯ ಕಲಾಪದಲ್ಲಿ ಭಾಗವಹಿಸುವಂತೆ ಆಕರ್ಷಿಸಲು ಅವರಿಗಾಗಿ ಉಚಿತ ಊಟದ ವ್ಯವಸ್ಥೆ ಮಾಡಲು ಸರ್ಕಾರ ಚಿಂತನೆ ನಡೆಸಿದೆ ಎಂದು ಸ್ಪೀಕರ್ ತಿಳಿಸಿದ್ದಾರೆ.
ರಾತ್ರಿ ವೇಳೆ ಊಟಕ್ಕಾಗಿ ಎಲ್ಲೆಂದರಲ್ಲಿ ಅಲೆದಾಡುವ ಶಾಸಕರ ‘ಗೌರವ’ ಕಾಪಾಡಲು ಅವರ ‘ಖಾಸಗಿತನರಕ್ಷಿಸಲು’ 2.20 ಎಕರೆ ಜಾಗದಲ್ಲಿ ಕ್ಲಬ್ ನಿರ್ಮಿಸಿ ಅಲ್ಲಿ ಜಿಮ್, ಈಜುಕೊಳ, ಬ್ಯಾಡ್ಮಿಂಟನ್ ಕೋರ್ಟ್ ಮುಂತಾದ ಸೌಲಭ್ಯಗಳನ್ನು ಒದಗಿಸುವ ಹಲವು ಭಾಗ್ಯಗಳ ವಿವರಗಳೂ ಇವೆ. ಭಾಗ್ಯವಂತ ಶಾಸಕರೇ ಧನ್ಯ ಧನ್ಯ!
ಪ್ರೊ. ಆರ್.ವಿ. ಹೊರಡಿ, ಧಾರವಾಡ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.