ಮಕ್ಕಳಿಗಾಗಿ ಸಮಯ ಹೊಂದಿಸಿಕೊಳ್ಳಿ

ಕೊರೊನಾ ಕಾರಣದಿಂದ ಆನ್‌ಲೈನ್‌ ಪಾಠ ಆಲಿಸಲು ಮಕ್ಕಳು ಮೊಬೈಲ್‌ ಫೋನ್‌ ಬಳಸುವುದನ್ನು ರೂಢಿಸಿ ಕೊಂಡರು. ಅದು ಗೀಳಾಗಿ ಪರಿವರ್ತನೆ ಆಗಿದೆ ಎಂಬ ಅಳಲು ಅನೇಕ ಪೋಷಕರದು. ಈ ಗೀಳಿನಿಂದ ಮಕ್ಕಳನ್ನು ಹೊರತರುವ ಸವಾಲು ತಂದೆ–ತಾಯಿ ಎದುರಿಗಿದೆ. ಮಕ್ಕಳಿಗಾಗಿ ಸಮಯ ಹೊಂದಿಸಿಕೊಂಡು, ಆಟೋಟಗಳಿಗೆ ಅವರನ್ನು ಅನುವಾಗಿಸುವ ಮೂಲಕ ಅದನ್ನು ಮಾಡಬೇಕಿದೆ.

ಕೊರಗುವುದರಿಂದ ಯಾವುದೇ ಪ್ರಯೋಜನ ಇಲ್ಲ. ಮಕ್ಕಳ ಆಸಕ್ತಿ– ಅಭಿರುಚಿ ಅರಿತು ಅದಕ್ಕೆ ತಕ್ಕಂತೆ ಓದು, ಸಿನಿಮಾ–ನಾಟಕ ವೀಕ್ಷಣೆ, ಕೇರಂ, ಚೆಸ್‌, ಚಾರಣದಂತಹ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳಲು ಅವರನ್ನು ಹುರಿದುಂಬಿಸಬೇಕು. ಓರಗೆಯ ಮಕ್ಕಳ ಜತೆ ಒಡನಾಡಲು ಬಿಡಬೇಕು. ಸಾಧ್ಯವಾದರೆ ಅಕ್ಕಪಕ್ಕದ ಮನೆಗಳಲ್ಲಿನ ಮಕ್ಕಳನ್ನೂ ಸೇರಿಸಿಕೊಂಡು ಆಟಗಳನ್ನು ಆಡಬಹುದು.

→ಮಾನಸಾ ಎಂ.ಎನ್‌.,ದಾವಣಗೆರೆ