ಅಪಾಯಕಾರಿಯಾದ ಶಿಫಾರಸು

ದೊಡ್ಡ ಕಾರ್ಪೊರೇಟ್‌ ಕಂಪನಿಗಳಿಗೆ ಬ್ಯಾಂಕ್‌ ಪ್ರವರ್ತಕ ಪಾತ್ರ ವಹಿಸಲು ಅವಕಾಶ ಕೊಡಬಹುದು ಎಂದು ಭಾರತೀಯ ರಿಸರ್ವ್‌ ಬ್ಯಾಂಕ್‌ನ (ಆರ್‌ಬಿಐ) ಆಂತರಿಕ ಕಾರ್ಯಕಾರಿ ಸಮಿತಿಯೊಂದು ಮಾಡಿರುವ ಶಿಫಾರಸಿನ ಸಾಧಕ–ಬಾಧಕ ಕುರಿತು ಸಾರ್ವಜನಿಕವಾಗಿ ವ್ಯಾಪಕ ಚರ್ಚೆಯಾಗಲಿ. ತಜ್ಞರ ಅನಿಸಿಕೆಗಳನ್ನು ಸರ್ಕಾರ ಆಲಿಸಲಿ. ಇಂತಹ ಅವಕಾಶ ನೀಡಿದರೆ, ಪ್ರವರ್ತಕ ಪಾತ್ರ ವಹಿಸುವ ಕಾರ್ಪೊರೇಟ್ ಕಂಪನಿಗಳ ಮೇಲೆ ನಿಗಾ ಇಡುವುದು ಕಷ್ಟವಾಗುತ್ತದೆ.

ಇಂತಹ ಸಂಸ್ಥೆಗಳು ಇಡೀ ಬ್ಯಾಂಕಿನ ಕೀಲಿಕೈಯನ್ನು ತಮ್ಮ ಬಳಿಯೇ ಇಟ್ಟುಕೊಳ್ಳುವುದರಿಂದ, ತಮ್ಮೊಂದಿಗೆ ಸಂಬಂಧ ಹೊಂದಿರುವ ವ್ಯಕ್ತಿಗಳಿಗೆ ಅಥವಾ ಸಂಸ್ಥೆಗಳಿಗೆ ಅನುಕೂಲ ಮಾಡಿಕೊಡುವ ಸಾಧ್ಯತೆಯೇ ಹೆಚ್ಚು. ಹೀಗಾಗಿ ಈ ಶಿಫಾರಸು ಅತ್ಯಂತ ಅಪಾಯಕಾರಿ. ಈ ಶಿಫಾರಸನ್ನು ಕೈಬಿಡುವುದೇ ಲೇಸು.

ಪಂಪಾಪತಿ ಹಿರೇಮಠ, ಧಾರವಾಡ