ಯುವಕ–ಯುವತಿಯರ ಅನುಚಿತ ವರ್ತನೆಗೆ ಕಡಿವಾಣ ಹಾಕಿ

ಬೆಳಗಾವಿಯ ರಸ್ತೆಗಳಲ್ಲಿ ಯುವತಿಯೊಬ್ಬಳು ನಗ್ನಳಾಗಿ ಸ್ಕೂಟರ್ ಓಡಿಸಿಕೊಂಡು ಹೋದ ಸುದ್ದಿ (ಪ್ರ.ವಾ., ಆ. 18) ತಿಳಿದ ಯಾರಾದರೂ ಬೇಸರಗೊಳ್ಳದೇ ಇರಲಾರರು. ಇತ್ತೀಚೆಗೆ ಕ್ಲಬ್, ಡಿಸ್ಕೊಥೆಕ್‌ಗಳಲ್ಲಿ ಬಹುಸಂಖ್ಯೆಯಲ್ಲಿ ಸೇರುವ ಯುವಕ–ಯುವತಿಯರಿಗೆ ಯಾರ ಭಯವೂ ಇರುವುದಿಲ್ಲ. ರಸ್ತೆ, ಪಾರ್ಕ್, ಸಿನಿಮಾ ಥಿಯೇಟರ್‌ಗಳಲ್ಲಿ ಸಾರ್ವಜನಿಕರ ಮುಂದೆಯೇ ನಾಚಿಕೆ ಇಲ್ಲದೆ ಅನುಚಿತವಾಗಿ ವರ್ತಿಸುತ್ತಾರೆ. ಇದು ಸುತ್ತಮುತ್ತಲಿನ ಜನರಿಗೆ ಮುಜುಗರವನ್ನುಂಟು ಮಾಡುತ್ತದೆ. ಸಂಸ್ಕೃತಿಯನ್ನು ಕಾಪಾಡಿಕೊಂಡು ಬಂದ ನಮ್ಮ ನಾಡಿನಲ್ಲಿ ಇಂತಹವರಿಂದ ಅದು ನಶಿಸಿ ಹೋಗದಂತೆ ನೋಡಿಕೊಳ್ಳುವ ಜವಾಬ್ದಾರಿ ನಮ್ಮೆಲ್ಲರಮೇಲಿದೆ. ಇಂತಹ ವರ್ತನೆಗೆ ಕಡಿವಾಣ ಹಾಕುವ ಕೆಲಸವನ್ನು ಆಳುವ ವರ್ಗ ಮಾಡಬೇಕಿದೆ.

-ಯೋಗೇಶ್ ವೈ.ಸಿ., ಮಂಡ್ಯ