ಹಲ್ಲುಪುಡಿ ನೆನಪಾಗುತ್ತಿದೆ...

ಸೋಪು ಮತ್ತು ಹಲ್ಲುಜ್ಜುವ ಪೇಸ್ಟ್‌ನಲ್ಲಿ ಅಪಾಯಕಾರಿ ರಾಸಾಯನಿಕ ವಸ್ತು ಇರುವುದನ್ನು ತಿಳಿದು (ಪ್ರ.ವಾ., ಡಿ. 16) ಆಘಾತವಾಯಿತು. ಕೆಲ ದಿನಗಳ ಹಿಂದೆ, ಕೆಲವು ಕಂಪನಿಗಳು ಮಾರಾಟ ಮಾಡುವ ಜೇನುತುಪ್ಪವು ಕಲಬೆರಕೆಯಾಗಿದ್ದ ಸುದ್ದಿ ಬೆಳಕಿಗೆ ಬಂದಿತ್ತು. ಇದನ್ನೆಲ್ಲಾ ನೋಡಿದರೆ, ನಮ್ಮ ಪೂರ್ವಿಕರು ಬಳಸುತ್ತಿದ್ದ ಸೀಗೇಕಾಯಿ ಪುಡಿ, ಹಲ್ಲುಜ್ಜಲು ಉಪ್ಪು ಮಿಶ್ರಿತ ಗಿಡಮೂಲಿಕೆ ಪುಡಿ ಮತ್ತು ಬೇವಿನಕಡ್ಡಿ ಬಳಸುವುದೇ ಸೂಕ್ತ ಎನಿಸುತ್ತದೆ. ಈ ಸಂದರ್ಭದಲ್ಲಿ, ಹಿಂದೆ ಬಳಸುತ್ತಿದ್ದ ನಂಜನಗೂಡು ಹಲ್ಲುಪುಡಿಯ ನೆನಪೂ ಆಗುತ್ತದೆ.

-ಸಿ.ಸಿದ್ದರಾಜು ಆಲಕೆರೆ, ಮಂಡ್ಯ