ಕನ್ನಡದಲ್ಲಿ ತೀರ್ಪು ಸ್ವಾಗತಾರ್ಹ

ಸುಪ್ರೀಂ ಕೋರ್ಟ್ ತೀರ್ಪು ಇನ್ನು ಮುಂದೆ ಕನ್ನಡ ಸೇರಿದಂತೆ ಹಲವು ಪ್ರಾದೇಶಿಕ ಭಾಷೆಗಳಲ್ಲಿ ಲಭ್ಯವಾಗಲಿದೆ (ಪ್ರ.ವಾ., ಜುಲೈ 4). ಇದರಿಂದ, ಸ್ಥಳೀಯ ಭಾಷೆಗಳಿಗೆ ಪ್ರಾಮುಖ್ಯ ನೀಡಿದಂತೆ ಆಗುವುದರ ಜೊತೆಗೆ ಜನರಲ್ಲಿ ಕಾನೂನಿನ ಸಾಕ್ಷರತೆಯೂ ಹೆಚ್ಚಾಗಲಿದೆ. ಉನ್ನತ ನ್ಯಾಯಾಲಯದ ತೀರ್ಪುಗಳನ್ನು ಆಧರಿಸಿ ಕೆಳಹಂತದ ನ್ಯಾಯಾಲಯಗಳು ತೀರ್ಪುಗಳನ್ನು ನೀಡಲು, ವಕೀಲರು ಸಮರ್ಥವಾಗಿ ಪ್ರಕರಣಗಳಲ್ಲಿ ವಾದ ಮಂಡಿಸಲು, ಪೊಲೀಸ್ ಅಧಿಕಾರಿಗಳು ಪ್ರಕರಣ ದಾಖಲಿಸಲು ಸಹ ಸಹಾಯವಾಗುತ್ತದೆ.

- ಕಿಶೋರ್ ಜಿ., ಶಿವಮೊಗ್ಗ