ನೀರಿನಿಂದ ಚಲಿಸುವ ಬ್ಯಾಟರಿ
ಸೌರಶಕ್ತಿ ಮತ್ತು ಪವನಶಕ್ತಿಯನ್ನು ಸುಲಭವಾಗಿ ಸಂಗ್ರಹಿಸಲು ನೆರವಾಗುವ, ನೀರಿನಿಂದ ಕಾರ್ಯ ನಿರ್ವಹಿಸುವಂತಹ ಹೊಸ ಮಾದರಿಯ ಬ್ಯಾಟರಿಯನ್ನು ಸ್ಟ್ಯಾನ್‌ಫೊರ್ಡ್‌ ವಿಜ್ಞಾನಿಗಳು ಅಭಿವೃದ್ಧಿಪಡಿಸಿದ್ದಾರೆ.
ಪ್ರೊಟೊಟೈಪ್‌ ಮಾದರಿಯ ಈ ಬ್ಯಾಟರಿಯ ಸಂಶೋಧನಾ ವರದಿ ‘ನೇಚರ್ ಎನರ್ಜಿ’ ನಿಯತಕಾಲಿಕದಲ್ಲಿ ಪ್ರಕಟವಾಗಿದೆ. ಕೇವಲ ಮೂರು ಇಂಚುಗಳಷ್ಟು ಉದ್ದ ಇರುವ ಈ ಬ್ಯಾಟರಿ ಮೂಲಕ ಗಂಟೆಗೆ 20 ಮಿಲಿ ವಾಟ್‌ ಶಕ್ತಿಯ ವಿದ್ಯುತ್ ಉತ್ಪಾದಿಸಬಹುದಾಗಿದೆ.
ವಿದ್ಯುತ್ ಪ್ರಮಾಣವನ್ನು ಅಳೆಯುವುದಕ್ಕಾಗಿ ಇದರಲ್ಲಿ ಎಲ್‌ಇಡಿ ಫ್ಲ್ಯಾಶ್‌ಲೈಟ್ ಅಳವಡಿಸಲಾಗಿದೆ. ಈ ದೀಪಗಳು ಮಿನುಗುತ್ತಿದ್ದಂತೆ ಕರೆಗಂಟೆ ಮೂಲಕ ಎಚ್ಚರಿಸುವ ಸೌಲಭ್ಯವನ್ನೂ ಇದರಲ್ಲಿ ಅಳವಡಿಸಲಾಗಿದೆ.
ಸುಮಾರು 10,000 ಬಾರಿ ಚಾರ್ಜ್‌ ಮತ್ತು ರಿಚಾರ್ಜ್‌ ಮಾಡಿಕೊಳ್ಳಲು ಹಾಗೂ 10 ವರ್ಷ ಬಾಳಿಕೆ ಬರುವ ರೀತಿ ಅಭಿವೃದ್ಧಿಪಡಿಸಿ ಇದನ್ನು ಕೈಗಾರಿಕಾ ಕ್ಷೇತ್ರದಲ್ಲಿ ಬಳಸಲು ನೆರವಾಗುವಂತೆ ಮಾಡಲು ಸಂಶೋಧಕರು ಗಮನ ಹರಿಸಿದ್ದಾರೆ. ಇದನ್ನು 10,000 ಬಾರಿ ಚಾರ್ಜ್‌ ಮತ್ತು ರಿಚಾರ್ಜ್‌ ಮಾಡಿಕೊಳ್ಳಬಹುದಾದ ಸಾಮರ್ಥ್ಯ ಮತ್ತು ಸುಮಾರು 10 ವರ್ಷ ಬಾಳಿಕೆ ಬರುವ ಹಾಗೆ ಗ್ರಿಡ್‌ ಸ್ಕೇಲ್ ಗುಣಮಟ್ಟದೊಂದಿಗೆ ಅಭಿವೃಧ್ಧಿಪಡಿಸಲು ಸಂಶೋಧಕರು ಮುಂದಾಗಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.