ಏನ್ ಗುರು ಸಮಾಚಾರ
ನೋಡಿ ನಮ್‌ ಫ್ಯಾಷನ್‌...
ಪ್ಯಾರಿಸ್‌ನಲ್ಲಿ ನಡೆದ ಫ್ಯಾಷನ್‌ ಷೋನಲ್ಲಿ ಮಾಡೆಲ್‌ವೊಬ್ಬಳು ಹೊಸ ವಿನ್ಯಾಸದ ವಸ್ತ್ರ ತೊಟ್ಟು ಹೆಜ್ಜೆ ಹಾಕುವಾಗ ಫ್ಯಾಷನ್‌ ಪ್ರಿಯರ ಕಣ್ಣುಗಳೆಲ್ಲ ರ್‍ಯಾಂಪ್ ಮೇಲೇ ನೆಟ್ಟಿದ್ದವಂತೆ. ಷೋನಲ್ಲಿ ಈ ಮಾಡೆಲ್‌ ಮೆರೆದರೆ, ಬಳಿಕ ವಸ್ತ್ರ ವಿನ್ಯಾಸಕ ಗಾಲಿಯಾ ಲಹಾವ್‌ ಸಿಕ್ಕಾಪಟ್ಟೆ ಬೇಡಿಕೆ ಗಿಟ್ಟಿಸಿದರಂತೆ!
**
ಕುರೂಪ ಸ್ಪರ್ಧೆ!
ಅತ್ತ ಪ್ಯಾರಿಸ್‌ನಲ್ಲಿ ಫ್ಯಾಷನ್‌ ಷೋ ನಡೆದಿರುವಾಗಲೇ ಇತ್ತ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ‘ಪ್ರಪಂಚದ ಅತ್ಯಂತ ಕುರೂಪಿ ನಾಯಿಗಳ ಸ್ಪರ್ಧೆ’ ನಡೆಯಿತು. ಜಗತ್ತಿನ ವಿವಿಧ ದೇಶಗಳಿಂದ ಬಂದಿದ್ದ ನಾಯಿಗಳೆಲ್ಲ ಕುರೂಪದಲ್ಲಿ ‘ನಾ ಮುಂದು, ತಾ ಮುಂದು’ ಎಂದೆಲ್ಲ ಪೈಪೋಟಿಗೆ ಇಳಿದಿದ್ದವು.
ಈ ಸ್ಪರ್ಧೆಯಲ್ಲಿ ಪಾಲ್ಗೊಂಡಿದ್ದ ‘ಚೇಸ್‌’ ಎಂಬ ಹೆಸರಿನ ಈ ಚೀನಾ ನಾಯಿ ಹಣೆ ಮೇಲೆ, ಮೂಗಿನ ಮೇಲೆ, ಕಪಾಳದ ಮೇಲೆ ಎಲ್ಲೆಂದರಲ್ಲಿ ಬೆಳೆದಿದ್ದ ಬಿಳಿ ಕೂದಲನ್ನು ಗತ್ತಿನಿಂದ ತೋರಿಸುತ್ತಾ ನನ್ನಷ್ಟು ಕುರೂಪ ಯಾರಿದ್ದಾರೆ ಎಂದು ಪ್ರಶ್ನಿಸುತ್ತಿತ್ತು. ಆದರೆ, ಮೊದಲ ಪ್ರಶಸ್ತಿ ಇನ್ಯಾವುದೋ ಬೇರೆ ನಾಯಿಗೆ ಹೋಯಿತು!
**
ಹೇಗಿದೆ ಪಟ್ಟು?
ಗುವಾಹಟಿಯಲ್ಲಿ ಕಳೆದ ವಾರ ಕಥಕ್‌ ನೃತ್ಯ ತರಬೇತಿ ಶಿಬಿರ ನಡೆಯಿತು. ಕಥಕ್‌ ಪಟು ಪಂಡಿತ್‌ ಬಿರ್ಜು ಮಹಾರಾಜ್‌ ಅವರು ನೃತ್ಯದ ಪಟ್ಟುಗಳನ್ನು ಹೇಳಿಕೊಟ್ಟರಾ? ಹಿರಿಯ ಕಲಾವಿದನನ್ನು ಅನುಸರಿಸಿದ ಮಕ್ಕಳು ನೋಡುಗರಿಗೆ ಕಚಗುಳಿ ಇಟ್ಟರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.