ಯಾವುದಿದು ಡ್ರೆಸ್?
ಬ್ರಸೆಲ್ಸ್ ಕಲಾಶಾಲೆಯ ಫ್ಯಾಷನ್ ವಿಭಾಗದ ವಿದ್ಯಾರ್ಥಿಗಳು ರೂಪಿಸಿದ ವಸ್ತ್ರ ವಿನ್ಯಾಸವಿದು. ಕಳೆದ ವಾರ ಏರ್ಪಡಿಸಿದ್ದ ಪದವಿ ಫ್ಯಾಷನ್ ಪ್ರದರ್ಶನದಲ್ಲಿ ರೂಪದರ್ಶಿಯೊಬ್ಬರು ಈ ಹೊಸ ಡ್ರೆಸ್ ತೊಟ್ಟು ರ್್ಯಾಂಪ್ ಮೇಲೆ ಕ್ಯಾಟ್ವಾಕ್ ಮಾಡಿದಾಗ...
****
ಬಾಳ ಸಂಗಾತಿಗಳ ಹೊತ್ತು...
ಚೀನಾದ ಹೇಲಾಂಗ್ಜಿಯಾಂಗ್ ಪ್ರಾಂತದ ಹಾರ್ಬಿನ್ ವಿಶ್ವವಿದ್ಯಾಲಯದಲ್ಲಿ 64 ಸಂಶೋಧನಾ ವಿದ್ಯಾರ್ಥಿಗಳಿಗೆ ಕಳೆದ ವಾರ ಡಬಲ್ ಸಂಭ್ರಮ. ಒಂದೆಡೆ ಕುಲಪತಿ ಬಂದು ಪದವಿ ಕೊಟ್ಟರೆ, ಇನ್ನೊಂದೆಡೆ ಅದುವರೆಗೆ ಸಹಪಾಠಿಯಾಗಿದ್ದ ಹುಡುಗಿ ಬಾಳ ಸಂಗಾತಿಯಾಗಿ ಬಂದು ಕೈಹಿಡಿಯಬೇಕೇ? ವಿಶ್ವವಿದ್ಯಾಲಯದ ಆವರಣದಲ್ಲೇ ಈ ಜೋಡಿಗಳ ಸಾಮೂಹಿಕ ವಿವಾಹ ಸಮಾರಂಭ ಏರ್ಪಡಿಸಲಾಗಿತ್ತು. ಹುಡುಗರಿಗೆ ಬಾಳ ಸಂಗಾತಿ ಸಿಕ್ಕ ಖುಷಿ ಎಷ್ಟಿತ್ತೆಂದರೆ ತಮ್ಮ ಮನದನ್ನೆಯರನ್ನು ಹೊತ್ತು ಕ್ರೀಡಾಂಗಣದ ಟ್ರ್ಯಾಕ್ ಮೇಲೆ ಓಟ ಕಿತ್ತರು!
****
ಮುಂದಿನ ಕ್ಲಾಸಿಗೆ ನೆಗೆತ!
ಪಶ್ಚಿಮ ಬಂಗಾಳದಲ್ಲಿ ಈಚೆಗೆ 12ನೇ ತರಗತಿ ಫಲಿತಾಂಶ ಹೊರಬಿತ್ತು. ಕಾಲೇಜಿನಲ್ಲಿ ಈ ವಿದ್ಯಾರ್ಥಿನಿಯರು ಫಲಿತಾಂಶ ನೋಡಿದರಾ? ಒಳ್ಳೆಯ ಅಂಕಗಳು ಬಂದಿದ್ದವಂತೆ. ಗುಂಪಿನಲ್ಲಿದ್ದ ಯಾರೋ ಇನ್ನು ನಾವೆಲ್ಲ ಪದವಿ ಕ್ಲಾಸ್ಗೆ ನೆಗೆಯಬೇಕಲ್ಲ ಅಂದರಂತೆ. ಅಷ್ಟಕ್ಕೆ ಕಾಲೇಜಿನಿಂದ ಹೊರಬಂದವರೇ ಈ ಹುಡುಗಿಯರು ನೆಗೆದೇಬಿಟ್ಟರು. ನಾವೀಗ ಪದವಿ ವಿದ್ಯಾರ್ಥಿನಿಯರು ಎಂದೂ ಸಾರಿದರು!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.