ಪಿಯಾಗಿಯೊದಿಂದ ವೆಸ್ಪಾ ಎಲೆಟ್ರಿಕಾ

ಇಟಲಿಯ ಸ್ಕೂಟರ್ ತಯಾರಕ ಕಂಪನಿ ಪಿಯಾಗಿಯೊ, ವೆಸ್ಪಾ ಎಲೆಟ್ರಿಕಾ ಸ್ಕೂಟರ್‌ ಅನ್ನು ಮಿಲಾನ್‌ ವಾಹನ ಮೇಳ (ಇಐಸಿಎಂಎ)ದಲ್ಲಿ ಪ್ರದರ್ಶನಗೊಳಿಸಿದೆ. ಸ್ಕೂಟರ್‌ಗೆ ಹೊರನೋಟದಲ್ಲಿ ಸಾಂಪ್ರದಾಯಿಕ ವೆಸ್ಪಾ ಲುಕ್‌ ನೀಡಿದ್ದು, ಒಳಗೆ ಮಾಡರ್ನ್ ಬ್ಯಾಟರಿ ಪವರ್‌ಟ್ರೇನ್ ಅಳವಡಿಸಲಾಗಿದೆ. ಎಲೆಕ್ಟ್ರಿಕ್ ಮೋಟಾರು ಬೆಂಬಲಿತವಾಗಿದ್ದು, 2 ಕಿಲೋ ವ್ಯಾಟ್ ನಿರಂತರ ಶಕ್ತಿ ಹಾಗೂ 4 ಕಿಲೋ ವ್ಯಾಟ್ ಪೀಕ್ ಪವರ್ ಒದಗಿಸುತ್ತದೆ. 100 ಕಿ.ಮೀ ಮೈಲೇಜ್ ನೀಡಲಿದೆ.

ಸಾಂಪ್ರದಾಯಿಕ 50 ಸಿಸಿ ಸ್ಕೂಟರ್‌ನಂತೆ ಇದರ ಪರ್ಫಾರ್ಮೆನ್ಸ್ ಇರುವುದಾಗಿ ಕಂಪನಿ ತಿಳಿಸಿದೆ. ಇದರಲ್ಲಿ ಎಕ್ಸ್‌ ವೇರಿಯಂಟ್ ಇದ್ದು, ಎಲೆಕ್ಟ್ರಿಕ್‌ ಮೋಟಾರಿನೊಂದಿಗೆ 4 ಸ್ಟ್ರೋಕ್ ಎಂಜಿನ್‌ ಸೇರಿ ಎರಡು ಪಟ್ಟು ಹೆಚ್ಚು ಮೈಲೇಜ್ ನೀಡಲಿದೆ. ಅಂದರೆ 200 ಕಿ.ಮೀ.

ಸಂಪೂರ್ಣ ಚಾರ್ಜ್‌ಗೆ ನಾಲ್ಕು ಗಂಟೆ ಹಿಡಿಯುತ್ತದೆ. ಸ್ಕೂಟರ್‌ಗೆ ಟಿಎಫ್‌ಟಿ ಡಿಸ್ಪ್ಲೇ ಇದ್ದು, ಮಲ್ಟಿಮೀಡಿಯಾ ಸಿಸ್ಟಂ ಹಾಗೂ ಸ್ಮಾರ್ಟ್‌ಫೋನ್ ಕನೆಕ್ಟಿವಿಟಿ ಇರುವುದು ವಿಶೇಷ. ಬೆಲೆಯನ್ನು ಇನ್ನೂ ನಿಗದಿಗೊಳಿಸಿಲ್ಲ. 2018ಕ್ಕೆ ಬಿಡುಗಡೆಯಾಗುವ ಸೂಚನೆಯನ್ನು ನೀಡಿದೆ.