ಇಂಗ್ಲೆಂಡ್‌ಗೆ ತೆರಳಲಿರುವ ದಿಲ್ಶಾನ್

ಶ್ರೀಲಂಕಾ ತಂಡದ ನೂತನ ನಾಯಕರಾಗಿ ನೇಮಕಗೊಂಡಿರುವ ತಿಲಕರತ್ನೆ ದಿಲ್ಶಾನ್  ಐಪಿಎಲ್ ಅನ್ನು ಅರ್ಧದಲ್ಲೇ ತೊರೆದು ರಾಷ್ಟ್ರೀಯ ತಂಡವನ್ನು ಸೇರಲು ಮೇ 11ರಂದು ಇಂಗ್ಲೆಂಡ್‌ಗೆ ಪ್ರಯಾಣ ಬೆಳೆಸಲಿದ್ದಾರೆ.

ಬಿಸಿಸಿಐ ಹಾಗೂ ಶ್ರೀಲಂಕಾ ಕ್ರಿಕೆಟ್ ಅಧಿಕಾರಿಗಳ ಮಧ್ಯೆ ನಡೆದ ಮಾತುಕತೆ ಕಾಲಕ್ಕೆ ಈ ನಿರ್ಧಾರ ಕೈಗೊಳ್ಳಲಾಗಿದೆ. ದಿಲ್ಶಾನ್ ಅರ್ಧದಲ್ಲೇ ಐಪಿಎಲ್ ತೊರೆಯಬೇಕಾಗಿದ್ದರಿಂದ ನಾಲ್ಕು ಗುಂಪು ಪಂದ್ಯಗಳನ್ನಲ್ಲದೆ ನಾಕೌಟ್ ಹಂತದ ಹಣಾಹಣಿಯನ್ನೂ ತಪ್ಪಿಸಿಕೊಳ್ಳಲಿದ್ದಾರೆ. ಐಪಿಎಲ್‌ನ ಪ್ರಸಕ್ತ ಆವೃತ್ತಿಯಲ್ಲಿ ಅವರು ಬೆಂಗಳೂರಿನ ರಾಯಲ್ ಚಾಲೆಂಜರ್ಸ್‌ ಪರ ಆಡುತ್ತಿದ್ದಾರೆ.