ಕರ್ನಾಟಕಕ್ಕೆ ನಾಲ್ಕು ಪದಕ

ಬೆಂಗಳೂರು: ಕರ್ನಾಟಕ ತಂಡ ಹರಿಯಾಣದಲ್ಲಿ ಶನಿವಾರ ಮುಕ್ತಾಯಗೊಂಡ ಥ್ರೋಬಾಲ್‌ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌ನಲ್ಲಿ ನಾಲ್ಕು ಪದಕ ಗೆದ್ದುಕೊಂಡಿದೆ.

ಕರ್ನಾಟಕದ ಸೀನಿಯರ್ ಮಹಿಳೆಯರು ಹಾಗೂ ಜೂನಿಯರ್ ಬಾಲಕರ ತಂಡಗಳು ಬೆಳ್ಳಿ ಪದಕ ಗೆದ್ದುಕೊಂಡಿದ್ದರೆ, ಸೀನಿಯರ್ ಪುರುಷರು ಮತ್ತು ಜೂನಿಯರ್ ಬಾಲಕಿಯರ ತಂಡಗಳು ಕಂಚಿನ ಪದಕಕ್ಕೆ ಕೊರಳೊಡ್ಡಿದವು. ಹರಿಯಾಣ ತಂಡವು ಒಟ್ಟು ನಾಲ್ಕು ವಿಭಾಗಗಳಲ್ಲಿ ಚಿನ್ನ ಗೆದ್ದುಕೊಂಡಿದೆ.

ಕರ್ನಾಟಕ  ಮಹಿಳೆಯರ ತಂಡದಲ್ಲಿ ಜೆ.ಶಾಲಿನಿ, ಭಾನುಪ್ರಿಯಾ, ತನುಶ್ರೀ ಉತ್ತಮವಾಗಿ ಆಡಿದರು. ಜೂನಿಯರ್ ಬಾಲಕಿಯರಲ್ಲಿ ಕಾವ್ಯ, ಪಂಕಜಾ, ಪೂರ್ವಿತಾ ಹೆಚ್ಚು ಪಾಯಿಂಟ್ಸ್‌ ಕಲೆಹಾಕಿದರು.