ಟಿಟಿ: ಹರಮೀತ್–ಸೌಮ್ಯಜಿತ್‌ಗೆ ಬೆಳ್ಳಿ
ನವದೆಹಲಿ: ಐದನೇ ಶ್ರೇಯಾಂಕಿತ ಭಾರತದ ಜೋಡಿ ಹರಮೀತ್ ದೇಸಾಯಿ ಮತ್ತು ಸೌಮ್ಯಜಿತ್‌ ಘೋಷ್‌ ಅವರು ಶೆಷ್ಟೊಚೊವಾದಲ್ಲಿ ನಡೆಯುತ್ತಿರುವ ಐಟಿಟಿಎಫ್‌ ಚಾಲೆಂಜ್ ಪಾಲಿಶ್‌ ಓಪನ್‌ ಟೇಬಲ್ ಟೆನಿಸ್ ಚಾಂಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದರು.
ಸೋಮವಾರ ನಡೆದ ಫೈನಲ್ ಪಂದ್ಯದಲ್ಲಿ ಅವರು ಎರಡನೇ ಶ್ರೇಯಾಂಕಿತ ಕೊರಿಯಾ ಜೋಡಿ ಹೊ ಕ್ವಾನ್ ಕಿಟ್‌ ಮತ್ತು ನ ಪಾಕ್ ನಮ್‌ ಎದುರು 12-10 6-11 8-11 9-11ರಿಂದ ಸೋತರು.
ಮೊದಲ ಗೇಮ್‌ನಲ್ಲಿ ಉತ್ತಮ ಆಟವಾಡಿ ಗೆದ್ದ ಭಾರತದ ಜೋಡಿಗೆ ಎರಡನೇ ಗೇಮ್‌ನಲ್ಲಿ ಎದುರಾಳಿಗಳು ಪೆಟ್ಟು ನೀಡಿದರು. ನಂತರ ಸುಲಭವಾಗಿ ಪ್ರಶಸ್ತಿ ಗೆದ್ದರು.
ಐಟಿಟಿಎಫ್‌ ವಿಶ್ವ ಟೂರ್ ಅಥವಾ ಐಟಿಟಿಎಫ್‌ ಚಾಲೆಂಜ್ ಸೀರಿಸ್‌ನಲ್ಲಿ ಹರಮೀತ್ ದೇಸಾಯಿ ಇದೇ ಮೊದಲ ಬಾರಿ ಡಬಲ್ಸ್ ವಿಭಾಗದ ಫೈನಲ್ ಪ್ರವೇಶಿಸಿದ್ದರು. ಸೌಮ್ಯಜಿತ್‌ಗೆ ಇದು ಈ ವರ್ಷದ ಎರಡನೇ ಫೈನಲ್ ಪಂದ್ಯ ಆಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.