ಟೆನಿಸ್‌: ಕರ್ನಾಟಕದ ಪ್ರೀತಿಗೆ ಜಯ

ಮುಂಬೈ (ಪಿಟಿಐ): ಕರ್ನಾಟಕದ ಪ್ರೀತಿ ಉಜ್ಜಿನಿ ಇಲ್ಲಿ ನಡೆಯುತ್ತಿರುವ ಅಖಿಲ ಭಾರತ ರ್‍ಯಾಂಕಿಂಗ್‌ ಮಹಿಳಾ ಟೆನಿಸ್‌ ಟೂರ್ನಿಯ ಸಿಂಗಲ್ಸ್‌್ ವಿಭಾಗದ ಮೊದಲ ಸುತ್ತಿನ ಪಂದ್ಯದಲ್ಲಿ ಗೆಲುವು ಸಾಧಿಸಿದರು.

ಅಗ್ರ ಶ್ರೇಯಾಂಕ ಹೊಂದಿರುವ ಪ್ರೀತಿ ಮಂಗಳವಾರ ನಡೆದ ಮೊದಲ ಸುತ್ತಿನ ಪಂದ್ಯದಲ್ಲಿ 6–2, 7–6ರ ನೇರ ಸೆಟ್‌ಗಳಿಂದ ಮಹಾರಾಷ್ಟ್ರದ ಅನುಷ್ಕಾ ಸಾಟೆಗೆ ಆಘಾತ ನೀಡಿದರು.

ಮೊದಲ ಸುತ್ತಿನ ಪಂದ್ಯದಲ್ಲಿ ಕರ್ನಾಟಕದ ಸಂಸ್ಕೃತಿ ರಂಜನ್‌ 6–3, 6–3ರಲ್ಲಿ ಮಹಾರಾಷ್ಟ್ರದ ಆರ್ಯಾಲಿ ಚವಾಣ್‌ ಎದುರು ಜಯ ಪಡೆದರು. ಈ ಟೂರ್ನಿ  ₨ 1.5 ಲಕ್ಷ ಬಹುಮಾನ ಮೊತ್ತ ಒಳಗೊಂಡಿದೆ.