ಟೆನಿಸ್‌: ಕ್ವಾರ್ಟರ್‌ಗೆ ಯೂಕಿ

ನವದೆಹಲಿ: ವಿಯೆಟ್ನಾಂ ಓಪನ್‌ ಟೆನಿಸ್‌ ಟೂರ್ನಿಯಲ್ಲಿ ಭಾರತದ ಯೂಕಿ ಭಾಂಬ್ರಿ ಗೆಲುವಿನ ಓಟ ಮುಂದುವರಿದಿದೆ.

ಪುರುಷರ ಸಿಂಗಲ್ಸ್‌ ವಿಭಾಗದಲ್ಲಿ ಭಾರತದ ಆಟಗಾರ ಕ್ವಾರ್ಟರ್‌ಫೈನಲ್‌ಗೆ ಲಗ್ಗೆ ಇಟ್ಟಿದ್ದಾರೆ. ಬುಧವಾರ ನಡೆದ 16ರ ಘಟ್ಟದ ಹೋರಾಟದಲ್ಲಿ ಯೂಕಿ 6–3, 6–1ರ ನೇರ ಸೆಟ್‌ಗಳಿಂದ ಚೀನಾ ತೈಪೆಯ ತಿ ಚೆನ್‌ ಸವಾಲು ಮೀರಿ ನಿಂತರು. ಈ ಮೂಲಕ ಚೆನ್‌ ವಿರುದ್ಧದ ಗೆಲುವಿನ ದಾಖಲೆಯನ್ನು 4–0ಗೆ ಹೆಚ್ಚಿಸಿಕೊಂಡರು.

ಯೂಕಿ ಆರಂಭಿಕ ಸೆಟ್‌ನಲ್ಲಿ ಶರವೇಗದ ಸರ್ವ್‌ಗಳನ್ನು ಸಿಡಿಸಿ ಚೆನ್‌ ಅವರನ್ನು ಕಂಗೆಡಿಸಿದ ಅವರು ನೆಟ್‌ನ ಸಮೀಪದಲ್ಲಿ ಚೆಂಡನ್ನು ಡ್ರಾಪ್‌ ಮಾಡುವಲ್ಲಿ ಸಫಲರಾದರು.

ಇದರೊಂದಿಗೆ ಶೀಘ್ರ ಮುನ್ನಡೆ ಗಳಿಸಿದ ಭಾರತದ ಆಟಗಾರ, ಆ ಬಳಿಕವೂ ಆಕ್ರಮಣಕಾರಿ ಆಟದಿಂದ ಮಿಂಚು ಹರಿಸಿದರು. ಯೂಕಿ,  ರ‍್ಯಾಕೆಟ್‌ ನಿಂದ ಸಿಡಿಯುತ್ತಿದ್ದ ಸರ್ವ್‌ಗಳಿಗೆ ಚೆನ್‌ ನಿರುತ್ತರರಾದರು.