ದಕ್ಷಿಣ ಆಫ್ರಿಕಾಕ್ಕೆ ಶಾಕ್ ನೀಡಿದ ಪಾಕ್

ಲಂಡನ್ (ಎಎಫ್‌ಪಿ): ಪಂದ್ಯ ಕೊನೆಗೊಳ್ಳಲು ಆರು ನಿಮಿಷ ಬಾಕಿ ಇರುವಾಗ ಎರಡು ಗೋಲುಗಳನ್ನು ಕಲೆ ಹಾಕಿದ ಪಾಕಿಸ್ತಾನ ಪುರುಷರ ಹಾಕಿ ತಂಡ ಭಾನುವಾರ ನಡೆದ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ 5-4ಗೋಲುಗಳಿಂದ ರೋಚಕ ಗೆಲುವು ಪಡೆಯಿತು.

ಪಾಕ್ ತಂಡದ ವಾಸೀಮ್ ಅಹ್ಮದ್ ಪಂದ್ಯ ಕೊನೆಗೊಳ್ಳಲು ಮೂರು ನಿಮಿಷ ಬಾಕಿ ಇದ್ದಾಗ ಗೋಲು ಗಳಿಸಿದರೆ, ನಾಯಕ ಸೊಹೆಲಿ ಅಬ್ಬಾಸ್ 64ನೇ ನಿಮಿಷದಲ್ಲಿ ಪೆನಾಲ್ಟಿ ಕಾರ್ನರ್ ಮೂಲಕ ಗೋಲು ಗಳಿಸಿ ದಕ್ಷಿಣ ಆಫ್ರಿಕಾಕ್ಕೆ `ಶಾಕ್~ ನೀಡಿದರು.ನಾಲ್ಕು ಪಂದ್ಯಗಳನ್ನಾಡಿರುವ ಪಾಕ್ ಏಳು ಪಾಯಿಂಟ್ಸ್ ಹೊಂದಿದೆ.