ಭಾರತ ‘ಎ’ ತಂಡಕ್ಕೆ ಆಸ್ಟ್ರೇಲಿಯಾ ಸವಾಲು

ಮುಂಬೈ: ಭಾರತ ‘ಎ’ ತಂಡದವರು ಮಂಗಳವಾರ ನಡೆಯುವ ಏಕದಿನ ಅಭ್ಯಾಸ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮಹಿಳಾ ತಂಡದ ಸವಾಲು ಎದುರಿಸಲಿದ್ದಾರೆ.

ಆಸ್ಟ್ರೇಲಿಯಾ ತಂಡದವರು ಮೂರು ಪಂದ್ಯಗಳ ಏಕದಿನ ಸರಣಿ ಆಡಲು ಭಾರತಕ್ಕೆ ಬಂದಿದ್ದಾರೆ. ಮಾರ್ಚ್‌ 12ರಿಂದ ವಡೋದರದಲ್ಲಿ ಪಂದ್ಯಗಳು ನಡೆಯಲಿವೆ. ಇದಕ್ಕೂ ಮುನ್ನ ಮುಂಬೈ ಕ್ರಿಕೆಟ್‌ ಸಂಸ್ಥೆಯ ಬಾಂದ್ರಾ ಕುರ್ಲಾ ಕ್ರೀಡಾ ಸಂಕೀರ್ಣದಲ್ಲಿ  ಭಾರತ ‘ಎ’ ವಿರುದ್ಧ ಎರಡು ಅಭ್ಯಾಸ ಪಂದ್ಯಗಳನ್ನು ಆಡಲಿದ್ದಾರೆ.

ಆಲ್‌ರೌಂಡರ್‌ ಅನುಜಾ ಪಾಟೀಲ್‌ ಸಾರಥ್ಯದ ಭಾರತ ತಂಡ ಬಲಿಷ್ಠವಾಗಿದೆ. ಪ್ರಿಯಾ ಪೂನಿಯಾ, ಸಾರಿಕಾ ಕೋಲಿ, ದಯಾಳನ್‌ ಹೇಮಲತಾ, ನೇಹಾ ತನ್ವರ್‌ ಅವರು ಮಿಂಚುವ ವಿಶ್ವಾಸ ಹೊಂದಿದ್ದಾರೆ.

ಮೆಗ್‌ ಲ್ಯಾನಿಂಗ್‌ ನೇತೃತ್ವದ ಆಸ್ಟ್ರೇಲಿಯಾ ಕೂಡ ಜಯದ ಮಂತ್ರ ಜ‍ಪಿಸುತ್ತಿದೆ. ಉಪ ನಾಯಕಿ ರಚೆಲ್‌ ಹೇನಸ್‌ ಮೇಲೆ ಭರವಸೆ ಇಡಲಾಗಿದೆ.