ಮಿಂಚಿದ ಪೌಲ್ ಗಿಬ್ಲಿನ್‌
ಚಿಕ್ಕಮಗಳೂರು: ಜಿಲ್ಲೆಯ ಲಾಲ್‌ಬಾಗ್‌ ಎಸ್ಟೇಟ್‌ನಲ್ಲಿ ಭಾನುವಾರ ಮುಕ್ತಾಯಗೊಂಡ ಕಾಫಿ ಡೇ ಮಲ್ನಾಡ್ ಅಲ್ಟ್ರಾ ಮ್ಯಾರಥಾನ್ ಓಟ ಸ್ಪರ್ಧೆಯ 110 ಕಿ.ಮೀ ವಿಭಾಗದಲ್ಲಿ ಸ್ಕಾಟ್ಲೆಂಡ್‌ನ ಪೌಲ್ ಗಿಬ್ಲಿನ್‌ ಮಿಂಚು ಹರಿಸಿದರು. 12 ತಾಸು 48 ನಿಮಿಷದಲ್ಲಿ ಗುರಿ ಮುಟ್ಟಿ ಅವರು ಗಮನ ಸೆಳೆದರು.
ಕಳೆದ ವರ್ಷ ಬೆಂಗಳೂರಿನ ಆತ್ರೇಯ ಚಿದಂಬಿ ಈ ದೂರ ಕ್ರಮಿಸಲು 13 ತಾಸು 55 ನಿಮಿಷ ತೆಗೆದುಕೊಂಡಿದ್ದರು.
ಈ ಬಾರಿ ಆತ್ರೇಯ ಚಿದಂಬಿ 13 ಗಂಟೆ 11 ನಿಮಿಷದಲ್ಲಿ ತಲುಪಿ ದ್ವಿತೀಯ ಹಾಗೂ ಸಂಪತ್‌ ಕುಮಾರ್‌ ಸುಬ್ರಮಣಿಯನ್‌ 13 ಗಂಟೆ 22 ನಿಮಿಷದಲ್ಲಿ ಕ್ರಮಿಸಿ ತೃತೀಯ ಸ್ಥಾನ ಪಡೆದಿದ್ದಾರೆ. ಈ ವಿಭಾಗಕ್ಕೆ 24 ತಾಸು ಅವಧಿ ನಿಗದಿಪಡಿಸಲಾಗಿತ್ತು.
80 ಕಿ.ಮೀ ವಿಭಾಗದಲ್ಲಿ ಬೆಂಗಳೂರಿನ ಡಿ.ಧರ್ಮೇಂದ್ರ ಒಂಬತ್ತು ತಾಸು 44 ನಿಮಿಷಗಳಲ್ಲಿ ಗುರಿ ತಲುಪಿ ಪ್ರಥಮ ಸ್ಥಾನ ಪಡೆದಿದ್ದಾರೆ. ಹರಿಹಂತ್‌ ರೆಡ್ಡಿ 10 ತಾಸು 24 ನಿಮಿಷದಲ್ಲಿ ಗುರಿ ತಲುಪಿ ದ್ವಿತೀಯ ಹಾಗೂ ಹರಿ 10 ತಾಸು 44 ನಿಮಿಷಗಳಲ್ಲಿ ಕ್ರಮಿಸಿ ತೃತೀಯ ಸ್ಥಾನ ಪಡೆದಿದ್ದಾರೆ. ಈ ವಿಭಾಗಕ್ಕೆ 15 ಗಂಟೆ ಅವಧಿ ನಿಗದಿಪಡಿಸಲಾಗಿತ್ತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.