ಯೂನೆಕ್ಸ್‌ ಜೊತೆ ಬಿಎಐ ₹ 75 ಕೋಟಿ ಒಪ್ಪಂದ

ನವದೆಹಲಿ: ಭಾರತ ಬ್ಯಾಡ್ಮಿಂಟನ್‌ ಸಂಸ್ಥೆ (ಬಿಎಐ) ಶುಕ್ರವಾರ ಕ್ರೀಡಾ ಉತ್ಪನ್ನಗಳ ತಯಾರಿಕಾ ಕಂಪನಿ ಯೂನೆಕ್ಸ್‌ ಸನ್‌ರೈಸ್‌ ಜೊತೆ ₹ 75 ಕೋಟಿಯ ಒಪ್ಪಂದ ಮಾಡಿಕೊಂಡಿದೆ.

ಈ ಒಪ್ಪಂದದ ಪ್ರಕಾರ ಯೂನೆಕ್ಸ್‌ ಕಂಪನಿ, ಬಿಎಐ ಅಧೀನದ ಅಕಾಡೆಮಿಗಳು, ರಾಷ್ಟ್ರೀಯ ತರಬೇತಿ ಶಿಬಿರ ಮತ್ತು ಭಾರತದಲ್ಲಿ ನಡೆಯುವ ಅಂತರರಾಷ್ಟ್ರೀಯ ಟೂರ್ನಿಗಳಿಗೆ ಬ್ಯಾಡ್ಮಿಂಟನ್‌ ಉತ್ಪನ್ನಗಳನ್ನು ಪೂರೈಸಲಿದೆ.

ಜೊತೆಗೆ ಮುಂದಿನ ಮೂರು ವರ್ಷಗಳ ಅವಧಿಯಲ್ಲಿ ನಡೆಯುವ ಟೂರ್ನಿಗಳ ‘ಟೈಟಲ್‌’ ಪ್ರಾಯೋಜಕತ್ವವೂ ಯೂನೆಕ್ಸ್‌ ಪಾಲಾಗಿದೆ.