ರಾಜ್ಯದ ನಾಲ್ಕು ಮಂದಿಗೆ ಸ್ಥಾನ

ನವದೆಹಲಿ (ಪಿಟಿಐ):  ಮಲೇಷ್ಯಾದ ಇಫೋದಲ್ಲಿ ನಡೆಯಲಿರುವ ಸುಲ್ತಾನ್ ಅಜ್ಲನ್ ಷಾ ಹಾಕಿ ಟೂರ್ನಿಗೆ ಭಾರತ ತಂಡವನ್ನು ಪ್ರಕಟಿಸಲಾಗಿದ್ದು ಯುವ ಆಟಗಾರರಿಗೆ ಅವಕಾಶ ನೀಡಲಾಗಿದೆ.

ಕರ್ನಾಟಕದ ಅರ್ಜುನ್ ಹಾಲಪ್ಪ, ಭರತ್ ಕುಮಾರ್ ಚೆತ್ರಿ, ಧನಂಜಯ್ ಮಹಾದಿಕ್ ಹಾಗೂ ಎಸ್.ವಿ.ಸುನಿಲ್ ಸ್ಥಾನ ಪಡೆದಿದ್ದಾರೆ. ‘ಹಾಕಿ ಇಂಡಿಯಾ’ವು ಈ ಟೂರ್ನಿಗೆ ಮಂಗಳವಾರ ಒಟ್ಟು 18 ಮಂದಿ ಆಟಗಾರರನ್ನು ಆಯ್ಕೆ ಮಾಡಿದೆ. ಮಾಜಿ ನಾಯಕ ರಾಜ್‌ಪಾಲ್ ಸಿಂಗ್ ಸೇರಿದಂತೆ ಪ್ರಮುಖ ಆಟಗಾರರನ್ನು ಕೈಬಿಡಲಾಗಿದೆ. ಮೇ 5ರಿಂದ 15ರವರೆಗೆ ನಡೆಯಲಿರುವ ಈ ಟೂರ್ನಿಯಲ್ಲಿ ಭಾರತ ತಂಡವನ್ನು ಅರ್ಜುನ್ ಹಾಲಪ್ಪ ಮುನ್ನಡೆಸಲಿದ್ದಾರೆ.

ಭಾರತ ಕಳೆದ ಬಾರಿ ಮಳೆಯ ಕಾರಣ ದಕ್ಷಿಣ ಕೊರಿಯಾ ಜೊತೆ ಜಂಟಿ ಚಾಂಪಿಯನ್ ಆಗಿತ್ತು. ಭಾರತವಲ್ಲದೇ, ಈ ಟೂರ್ನಿಯಲ್ಲಿ ಆಸ್ಟ್ರೇಲಿಯಾ, ಇಂಗ್ಲೆಂಡ್, ನ್ಯೂಜಿಲೆಂಡ್, ಪಾಕಿಸ್ತಾನ, ದಕ್ಷಿಣ ಕೊರಿಯಾ ಹಾಗೂ ಆತಿಥೇಯ ಮಲೇಷ್ಯಾ ತಂಡಗಳು ಪಾಲ್ಗೊಳ್ಳಲಿವೆ.

ತಂಡ ಇಂತಿದೆ: ಗೋಲ್‌ಕೀಪರ್ಸ್‌: ಭರತ್ ಕುಮಾರ್ ಚೆತ್ರಿ, ಆ್ಯಡ್ರಿಯಾನ್ ಡಿಸೋಜಾ. ಡಿಫೆಂಡರ್ಸ್: ಧನಂಜಯ್ ಮಹಾದಿಕ್, ರೂಪಿಂದರ್ ಪಾಲ್ ಸಿಂಗ್, ದಿವಾಕರ್ ರಾಮ್.

ಮಿಡ್‌ಫೀಲ್ಡರ್ಸ್: ಗುರ್ಬಜ್ ಸಿಂಗ್, ವಿಕಾಸ್ ಪಿಳ್ಳೈ, ವಿಕ್ರಮ್ ಪಿಳ್ಳೈ, ಅರ್ಜುನ್ ಹಾಲಪ್ಪ (ನಾಯಕ), ರವಿ ಪಾಲ್, ಡ್ಯಾನಿಸ್ ಮುಜ್ತಾಬಾ, ವಿಕಾಸ್ ಶರ್ಮ.
ಫಾರ್ವರ್ಡ್ಸ್: ಶಿವೇಂದ್ರ ಸಿಂಗ್, ಎಸ್.ವಿ.ಸುನಿಲ್, ಮನ್‌ದೀಪ್ ಅಂಟಿಲ್, ಸರ್ವಂಜೀತ್ ಸಿಂಗ್, ಗುರ್ವಿಂದರ್ ಸಿಂಗ್ ಚಂದಿ, ರೋಶನ್ ಮಿನ್ಜ್.
ಕಾಯ್ದಿರಿಸಿದ ಆಟಗಾರರು: ಪಿ.ಆರ್.ಶ್ರೀಜೇಶ್, ವಿಲಿಯಮ್ ಕ್ಸಾಲ್ಕೊ, ಗುರ್ಜಿಂದರ್ ಸಿಂಗ್, ಬೀರೇಂದ್ರ ಲಾಕ್ರಾ, ಪ್ರೀತಿಂದರ್ ಸಿಂಗ್ ಹಾಗೂ ಬಿಕಾಶ್ ಟೊಪ್ಪೊ.