ಸಚ್ವರ್ತ್ಮನ್ ಚಾಂಪಿಯನ್‌
Published 26 ಫೆಬ್ರುವರಿ 2018, 19:30 IST
ಟ್ರೋಫಿಯೊಂದಿಗೆ ಡೀಗೊ ಸಚ್ವರ್ತ್ಮನ್ (ಎಡ) ಹಾಗೂ ರನ್ನರ್ ಅಪ್‌ ಫರ್ನಾಂಡೊ ವರ್ಡಾಸ್ಕೊ
ರಿಯೊ ಡಿ ಜನೈರೊ (ರಾಯಿಟರ್ಸ್‌): ಅರ್ಜೆಂಟೀನಾದ ಆಟಗಾರ ಡೀಗೊ ಸಚ್ವರ್ತ್ಮನ್ ರಿಯೊ ಓಪನ್ ಟೆನಿಸ್ ಟೂರ್ನಿಯಲ್ಲಿ ತಮ್ಮ ಎರಡನೇ ಎಟಿಪಿ ಪ್ರಶಸ್ತಿಯನ್ನು ಗೆದ್ದುಕೊಂಡಿದ್ದಾರೆ.
ವಿಶ್ವ ರ‍್ಯಾಂಕಿಂಗ್‌ನಲ್ಲಿ 23ನೇ ಸ್ಥಾನದಲ್ಲಿರುವ ಸಚ್ವರ್ತ್ಮನ್ ಫೈನಲ್‌ ನಲ್ಲಿ 6–2, 6–3ರಲ್ಲಿ ನೇರ ಸೆಟ್‌ಗಳಿಂದ ಫರ್ನಾಂಡೊ ವರ್ಡಾಸ್ಕೊ ಅವರನ್ನು ಮಣಿಸಿದರು.
‘ತಾಳ್ಮೆಯಿಂದ ಆಡಿದೆ. ಫರ್ನಾಂಡೊ ಡಬಲ್ಸ್ ವಿಭಾಗದಲ್ಲಿಯೂ ಆಡಿದ್ದರಿಂದ ಸುಸ್ತಾಗಿದ್ದರು. ತಕ್ಕ ಪೈಪೋಟಿ ನೀಡಲು ಅವರಿಗೆ ಸಾಧ್ಯವಾಗಲಿಲ್ಲ’ ಎಂದು ಸಚ್ವರ್ತ್ಮನ್ ಹೇಳಿದ್ದಾರೆ.
‘ಈ ಋತುವಿನಲ್ಲಿ ಉತ್ತಮ ಆರಂಭ ಪಡೆದುಕೊಂಡಿರುವುದಕ್ಕೆ ಸಂತೋಷವಾಗಿದೆ’ ಎಂದು ಅವರು ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.