ಹಾಪ್ಮನ್ ಕಪ್ ಟೆನಿಸ್ ಸ್ವಿಟ್ಜರ್‌ಲೆಂಡ್‌ಗೆ ಪ್ರಶಸ್ತಿ
Published 6 ಜನವರಿ 2018, 19:30 IST
ಪರ್ತ್‌: ರೋಜರ್ ಫೆಡರರ್‌ ಹಾಗೂ ಬೆಲಿಂಡಾ ಬೆಂಟಿಕ್ ಅವರ ಜಯದ ನೆರವಿ ನಿಂದ ಹಾಪ್ಮನ್ ಕಪ್ ಟೆನಿಸ್ ಟೂರ್ನಿಯಲ್ಲಿ ಶನಿವಾರ ಸ್ವಿಟ್ಜರ್‌ ಲೆಂಡ್ ತಂಡ ಪ್ರಶಸ್ತಿ ಗೆದ್ದುಕೊಂಡಿದೆ.
ಮಿಶ್ರ ತಂಡ ವಿಭಾಗದ ಟೂರ್ನಿಯಲ್ಲಿ ಈ ಜೋಡಿ ಕ್ರಮವಾಗಿ ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರವ್ ಮತ್ತು ಏಂಜಲಿಕ್ ಕೆರ್ಬರ್ ಅವರನ್ನು ಮಣಿಸಿದೆ.
ಸ್ವಿಟ್ಜರ್ಲೆಂಡ್ ತಂಡ 2–1ರಲ್ಲಿ ಜರ್ಮನಿ ವಿರುದ್ಧ ಗೆದ್ದಿದೆ. ಫೆಡರರ್‌ 6–7, 6–0, 6–2ರಲ್ಲಿ ಅಲೆಕ್ಸಾಂಡರ್‌ ಜ್ವೆರವ್‌ಗೆ ಸೋಲುಣಿಸುವ ಮೂಲಕ ಜಯದ ರೂವಾರಿ ಎನಿಸಿದರು.
ಫೆಡರರ್‌ ಎರಡನೇ ಬಾರಿ ಹಾಪ್ಮನ್ ಕಪ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. 2001ರಲ್ಲಿ ಅವರು ಮಾರ್ಟಿನಾ ಹಿಂಗಿಸ್ ಅವರೊಂದಿಗೆ ಆಡಿದ್ದರು. ಸ್ವಿಟ್ಜರ್ಲೆಂಡ್ ಮೂರನೇ ಬಾರಿ ಇಲ್ಲಿ ಪ್ರಶಸ್ತಿ ಜಯಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.