ಸಿಮೊನಾ ಹಲೆಪ್‌ಗೆ ಪ್ರಶಸ್ತಿ
Published 6 ಜನವರಿ 2018, 19:30 IST
ಪ್ರಶಸ್ತಿ ಗೆದ್ದ ಸಿಮೊನಾ ಹಲೆಪ್‌ (ಎಡ) ಹಾಗೂ ರನ್ನರ್‌ ಅಪ್‌ ಕಟೆರಿನಾ ಸಿನಿಯಕೋವಾ
ಶೆಂಜೆನ್‌: ವಿಶ್ವ ರ‍್ಯಾಂಕಿಂಗ್‌ನಲ್ಲಿ ಅಗ್ರಸ್ಥಾನದಲ್ಲಿರುವ ಸಿಮೊನಾ ಹಲೆಪ್‌ ಶೆಂಜೆನ್‌ ಮಾಸ್ಟರ್ಸ್‌ ಟೆನಿಸ್ ಟೂರ್ನಿಯಲ್ಲಿ ಶನಿವಾರ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.
ರುಮೇನಿಯಾ ಆಟಗಾರ್ತಿ ಹಲೆಪ್‌ 6–1, 2–6, 6–0ಯಲ್ಲಿ ಜೆಕ್ ಗಣರಾಜ್ಯದ ಕಟೆರಿನಾ ಸಿನಿಕೋವಾ ಅವರನ್ನು ಮಣಿಸಿದರು. 72 ನಿಮಿಷದ ಪೈಪೋಟಿಯಲ್ಲಿ ಸಿಮೊನಾ ಮೇಲುಗೈ ಸಾಧಿಸಿದರು.
ಮೊದಲ ಸೆಟ್‌ ಸುಲಭದಲ್ಲಿ ಗೆದ್ದ ಅವರು ಎರಡನೇ ಸೆಟ್‌ನಲ್ಲಿ ಆರಂಭದಲ್ಲಿಯೇ ಹಿನ್ನಡೆ ಅನುಭವಿಸುವ ಮೂಲಕ ಸೋತರು. ಆದರೆ ನಿರ್ಣಾಯಕ ಸೆಟ್‌ನಲ್ಲಿ ಸಂಪೂರ್ಣ ಪ್ರಾಬಲ್ಯ ಮೆರೆಯುವ ಮೂಲಕ ಎದುರಾಳಿಗೆ ಒಂದೂ ಗೇಮ್ ಬಿಟ್ಟುಕೊಡಲಿಲ್ಲ.
26 ವರ್ಷದ ಆಟಗಾರ್ತಿ ಮೆಲ್ಬರ್ನ್‌ನಲ್ಲಿ ಜನವರಿ 15ರಿಂದ ಆರಂಭವಾಗಲಿರುವ ಆಸ್ಟ್ರೇಲಿಯಾ ಓಪನ್‌ನಲ್ಲಿ ಅಗ್ರ ಶ್ರೇಯಾಂಕ ಪಡೆದುಕೊಂಡು ಆಡಲಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.