ENG vs IND Test: ಎರಡನೇ ಟೆಸ್ಟ್‌ಗೆ ಆರ್ಚರ್ ಲಭ್ಯ: ತಂಡ ಪ್ರಕಟಿಸಿದ ಇಂಗ್ಲೆಂಡ್
ಜೋಫ್ರಾ ಆರ್ಚರ್
ರಾಯಿಟರ್ಸ್ ಚಿತ್ರ
ಬರ್ಮಿಂಗ್‌ಹ್ಯಾಮ್‌: ಭಾರತದ ವಿರುದ್ಧದ ಟೆಸ್ಟ್‌ ಸರಣಿಯ ಎರಡನೇ ಪಂದ್ಯಕ್ಕೂ ಮುನ್ನ ವೇಗದ ಬೌಲರ್ ಜೋಫ್ರಾ ಆರ್ಚರ್ ಅವರು ಇಂಗ್ಲೆಂಡ್ ತಂಡ ಕೂಡಿಕೊಂಡಿದ್ದಾರೆ.
ಐದು ಪಂದ್ಯಗಳ ಸರಣಿಯ 2ನೇ ಪಂದ್ಯವು ಬರ್ಮಿಂಗ್‌ಹ್ಯಾಮ್‌ನ ಎಜ್‌ಬಾಸ್ಟನ್‌ನಲ್ಲಿ ಜುಲೈ 2ರಂದು ಆರಂಭವಾಗಲಿದೆ.
ಕಳೆದ ಕೆಲವು ವರ್ಷಗಳಿಂದ ಮೊಣಕೈ ಗಾಯದಿಂದ ಬಳಲುತ್ತಿದ್ದ ಆರ್ಚರ್ ಅವರು, ನಾಲ್ಕು ವರ್ಷಗಳ ಹಿಂದೆ ಕೊನೆಯದ್ದಾಗಿ ಟೆಸ್ಟ್‌ ಪಂದ್ಯ ಆಡಿದ್ದರು. ಅದೂ ಭಾರತದ ವಿರುದ್ಧ. ಆ ಪಂದ್ಯವು ಗುಜರಾತ್‌ನ ಅಹಮದಾಬಾದ್‌ನಲ್ಲಿ ನಡೆದಿತ್ತು.
ಆರ್ಚರ್ ತಂಡ ಕೂಡಿಕೊಂಡಿರುವ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿರುವ ಇಂಗ್ಲೆಂಡ್ ಅಂಡ್‌ ವೇಲ್ಸ್‌ ಕ್ರಿಕೆಟ್‌ ಮಂಡಳಿ, '30 ವರ್ಷದ ಬಲಗೈ ವೇಗದ ಬೌಲರ್ 2021ರ ಫೆಬ್ರುವರಿ ಬಳಿಕ ಮೊದಲ ಬಾರಿಗೆ ಇಂಗ್ಲೆಂಡ್ ತಂಡಕ್ಕೆ ಮರಳಿದ್ದಾರೆ' ಎಂದು ತಿಳಿಸಿದೆ.
ಹೆಡಿಂಗ್ಲೆಯ ಲೀಡ್ಸ್‌ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಐದು ವಿಕೆಟ್‌ ಅಂತರದ ಜಯ ಸಾಧಿಸಿದ್ದ ಆತಿಥೇಯ ಇಂಗ್ಲೆಂಡ್, ಸರಣಿಯಲ್ಲಿ 1–0 ಅಂತರದ ಮುನ್ನಡೆ ಸಾಧಿಸಿದೆ.
ಇಂಗ್ಲೆಂಡ್ ತಂಡ
ಬೆನ್‌ ಸ್ಟೋಕ್ಸ್‌ (ನಾಯಕ), ಓಲಿ ಪೋಪ್‌ (ಉಪ ನಾಯಕ), ಹ್ಯಾರಿ ಬ್ರೂಕ್‌, ಜೋ ರೂಟ್‌, ಬೆನ್‌ ಡಕೆಟ್‌, ಜಾಕ್‌ ಕ್ರಾಲಿ, ಜೆಮೀ ಸ್ಮಿತ್‌ (ವಿಕೆಟ್‌ಕೀಪರ್‌), ಸ್ಯಾಮ್‌ ಕುಕ್‌, ಜೇಕಬ್‌ ಬೆಥೆಲ್‌, ಜೋಫ್ರಾ ಆರ್ಚರ್, ಶೋಯಬ್‌ ಬಷೀರ್‌, ಬ್ರೇಡನ್‌ ಕರ್ಸ್‌, ಜೆಮೀ ಒವರ್ಟನ್‌, ಜೋಶ್‌ ಟಂಗ್‌, ಕ್ರಿಸ್‌ ವೋಕ್ಸ್‌
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.