ಮಾಜಿ ಸ್ಪಿನ್ನರ್ ದಿಲೀಪ್ ದೋಷಿ ನಿಧನ: ಒಂದು ನಿಮಿಷ ಮೌನಾಚರಣೆ

ಲೀಡ್ಸ್‌: ಸೋಮವಾರ ಲಂಡನ್‌ನಲ್ಲಿ ನಿಧನರಾದ ಭಾರತ ತಂಡದ ಮಾಜಿ ಸ್ಪಿನ್ನರ್ ದಿಲೀಪ್‌ ದೋಷಿ ಅವರಿಗೆ ಗೌರವ ಸಲ್ಲಿಸಲು ಭಾರತ ಮತ್ತು ಇಂಗ್ಲೆಂಡ್‌ ತಂಡಗಳ ಆಟಗಾರರು ಮಂಗಳವಾರ ಅಂತಿಮ ದಿನದಾಟ ಆರಂಭಕ್ಕೆ ಮೊದಲು ಒಂದು ನಿಮಿಷ ಮೌನ ಆಚರಿಸಿದರು.ಎರಡೂ ತಂಡಗಳ ಆಟಗಾರರು ತೋಳಿಗೆ ಕಪ್ಪುಪಟ್ಟಿ ಧರಿಸಿ ಕಣಕ್ಕಿಳಿದರು.

1979ರಿಂದ 1983ರ ಅವಧಿಯಲ್ಲಿ ದೋಷಿ ಅವರು 33 ಟೆಸ್ಟ್ ಮತ್ತು 15 ಏಕದಿನ ಪಂದ್ಯಗಳನ್ನು ಆಡಿದ್ದರು. ಕ್ರಮವಾಗಿ 114 ಮತ್ತು 22 ವಿಕೆಟ್‌ಗಳನ್ನು ಪಡೆದಿದ್ದರು. ಸೌರಾಷ್ಟ್ರ ಮತ್ತು ಬಂಗಾಳ ತಂಡಗಳನ್ನು ದೇಶಿ ಕ್ರಿಕೆಟ್‌ನಲ್ಲಿ ಪ್ರತಿನಿಧಿಸಿದ್ದರು. ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ 898 ವಿಕೆಟ್‌ಗಳನ್ನು ಪಡೆದಿದ್ದರು. ಬಿಷನ್‌ ಸಿಂಗ್ ಬೇಡಿ ಅವರ ನೆರಳಿನಲ್ಲೇ ದೋಷಿ ತಮ್ಮದೇ ಆದ ಛಾಪು ಮೂಡಿಸಿದ್ದರು.

ಅವರು ನಾಟಿಂಗ್‌ಹ್ಯಾಮ್‌ಶೈರ್‌ ಮತ್ತು ವಾರ್ವಿಕ್‌ಶೈರ್ ಕೌಂಟಿ ತಂಡಗಳಿಗೆ ಆಡಿದ್ದರು.