ಗಾಲ್ಫ್‌ ಮಂಡಳಿಯಲ್ಲಿ ಕಪಿಲ್‌ ದೇವ್‌ಗೆ ಸ್ಥಾನ

ನವದೆಹಲಿ: ಭಾರತದ ಮಾಜಿ ಕ್ರಿಕೆಟಿಗ ಕಪಿಲ್ ದೇವ್ ಅವರು ಭಾರತ ವೃತ್ತಿಪರ ಗಾಲ್ಫ್ ಟೂರ್‌ (ಪಿಜಿಟಿಐ) ಮಂಡಳಿಯಲ್ಲಿ ಸದಸ್ಯರಾಗಿ ಸೋಮವಾರ ಸೇರ್ಪಡೆಯಾಗಿದ್ದಾರೆ.

ಈ ಕುರಿತು ಪ್ರತಿಕ್ರಿಯಿಸಿರುವ 1983ರ ಏಕದಿನ ವಿಶ್ವಕಪ್ ವಿಜೇತ ಭಾರತ ತಂಡದ ನಾಯಕರಾಗಿದ್ದ ಕಪಿಲ್‌, ದೇಶದಲ್ಲಿ ಗಾಲ್ಫ್ ಕ್ರೀಡೆಯ ಬೆಳವಣಿಗೆಗೆ ಶ್ರಮಿಸುತ್ತೇನೆ ಎಂದಿದ್ದಾರೆ.

‘ಕಪಿಲ್ ದೇವ್ ಸೇರ್ಪಡೆ ಕುರಿತು ಮಾತನಾಡಿರುವ ಗಾಲ್ಫರ್ ಜೀವ್ ಮಿಲ್ಕಾ ಸಿಂಗ್, ‘ಇದರಿಂದ ಪಿಜಿಟಿಐಗೆ ಬಹಳಷ್ಟು ಅನುಕೂಲವಾಗಲಿದೆ. ಅವರು ಕ್ರೀಡಾ ದಂತಕತೆ, ಗಾಲ್ಫ್ ಬಗ್ಗೆ ಹೆಚ್ಚು ಒಲವು ಬೆಳೆಸಿಕೊಂಡವರು. ಅವರ ಅನುಭವವು ಗಾಲ್ಫ್ ಕ್ರೀಡೆಯ ಬೆಳವಣಿಗೆಗೆ ನೆರವಾಗಲಿದೆ‘ ಎಂದಿದ್ದಾರೆ.