ವೆಸ್ಟ್‌ ಇಂಡೀಸ್‌ ಜಯಭೇರಿ
ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಬಾಂಗ್ಲಾದೇಶಕ್ಕೆ ನಿರಾಸೆ
ನಾರ್ಥ್‌ ಸೌಂಡ್‌, ಆ್ಯಂಟಿಗಾ (ಎಎಫ್‌ಪಿ): ಶಾನನ್‌ ಗ್ಯಾಬ್ರಿಯಲ್‌ (77ಕ್ಕೆ5) ಮತ್ತು ಕೆಮರ್‌ ರೋಚ್‌ (8ಕ್ಕೆ5) ಅವರ ಪರಿಣಾಮಕಾರಿ ಬೌಲಿಂಗ್‌ ನೆರವಿನಿಂದ ವೆಸ್ಟ್‌ ಇಂಡೀಸ್‌ ತಂಡ ಬಾಂಗ್ಲಾದೇಶ ಎದುರಿನ ಮೊದಲ ಟೆಸ್ಟ್‌ ಪಂದ್ಯದಲ್ಲಿ ಇನಿಂಗ್ಸ್‌ ಮತ್ತು 219ರನ್‌ಗಳಿಂದ ಜಯಭೇರಿ ಮೊಳಗಿಸಿದೆ.
ಸರ್‌ ವಿವಿಯನ್‌ ರಿಚರ್ಡ್ಸ್‌ ಕ್ರೀಡಾಂಗಣದಲ್ಲಿ 6 ವಿಕೆಟ್‌ಗೆ 62ರನ್‌ಗಳಿಂದ ಶನಿವಾರ ಆಟ ಮುಂದುವರಿಸಿದ ಬಾಂಗ್ಲಾದೇಶ ತಂಡ ದ್ವಿತೀಯ ಇನಿಂಗ್ಸ್‌ನಲ್ಲಿ 40.2 ಓವರ್‌ಗಳಲ್ಲಿ 144ರನ್‌ಗಳಿಗೆ ಆಲೌಟ್‌ ಆಯಿತು. ಈ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 18.4 ಓವರ್‌ಗಳಲ್ಲಿ 43ರನ್‌ಗಳಿಗೆ ಹೋರಾಟ ಮುಗಿಸಿತ್ತು. ಕೆಮರ್‌ ರೋಚ್‌ ದಾಳಿಗೆ ಶಕೀಬ್‌ ಅಲ್‌ ಹಸನ್‌ ಪಡೆ ಕಂಗೆಟ್ಟಿತ್ತು.
ಆತಿಥೇಯ ವಿಂಡೀಸ್‌ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 137.3 ಓವರ್‌ಗಳಲ್ಲಿ 406ರನ್‌ಗಳನ್ನು ದಾಖಲಿಸಿತ್ತು.
ಸಂಕ್ಷಿಪ್ತ ಸ್ಕೋರ್‌: ಬಾಂಗ್ಲಾದೇಶ, ಮೊದಲ ಇನಿಂಗ್ಸ್‌, 18.4 ಓವರ್‌ಗಳಲ್ಲಿ 43 ಮತ್ತು 40.2 ಓವರ್‌ಗಳಲ್ಲಿ 144 (ತಮಿಮ್‌ ಇಕ್ಬಾಲ್‌ 13, ಶಕೀಬ್‌ ಅಲ್‌ ಹಸನ್‌ 12, ಮಹಮದುಲ್ಲಾ 15, ನೂರುಲ್ ಹಸನ್‌ 64, ರುಬೆಲ್‌ ಹೊಸೇನ್‌ 16; ಜೇಸನ್‌ ಹೋಲ್ಡರ್‌ 30ಕ್ಕೆ3, ಶಾನನ್‌ ಗೇಬ್ರಿಯಲ್‌ 77ಕ್ಕೆ5, ಮಿಗುಯೆಲ್‌ ಕಮಿನ್ಸ್‌ 16ಕ್ಕೆ2).
ವೆಸ್ಟ್‌ ಇಂಡೀಸ್‌: ಪ್ರಥಮ ಇನಿಂಗ್ಸ್‌, 137.3 ಓವರ್‌ಗಳಲ್ಲಿ 406 (ಕ್ರೆಗ್‌ ಬ್ರಾಥ್‌ವೇಟ್‌ 121, ಡೆವೊನ್‌ ಸ್ಮಿತ್‌ 58, ಕೀರನ್‌ ಪೊವೆಲ್‌ 48, ದೇವೇಂದ್ರ ಬಿಷೂ 19, ಶಾಯ್‌ ಹೋಪ್‌ 67, ಜೇಸನ್‌ ಹೋಲ್ಡರ್‌ 33, ಕೆಮರ್‌ ರೋಚ್‌ 33; ಅಬು ಜಾಯೆದ್‌ 84ಕ್ಕೆ3, ಕಮ್ರುಲ್‌ ಇಸ್ಲಾಂ ರಾಬಿ 69ಕ್ಕೆ1, ಶಕೀಬ್‌ ಅಲ್‌ ಹಸನ್‌ 71ಕ್ಕೆ2, ಮೆಹದಿ ಹಸನ್‌ 101ಕ್ಕೆ3, ಮಹಮದುಲ್ಲಾ 18ಕ್ಕೆ1).
ಫಲಿತಾಂಶ: ವೆಸ್ಟ್‌ ಇಂಡೀಸ್‌ ತಂಡಕ್ಕೆ ಇನಿಂಗ್ಸ್‌ ಮತ್ತು 219ರನ್‌ ಗೆಲುವು.
ಪಂದ್ಯಶ್ರೇಷ್ಠ: ಕೆಮರ್‌ ರೋಚ್‌.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.