ಬೆಂಗಳೂರು ಡ್ರೀಮ್‌ ಯುನೈಟೆಡ್‌ಗೆ ಜಯ

ಬೆಂಗಳೂರು: ಬೆಂಗಳೂರು ಡ್ರೀಮ್‌ ಯುನೈಟೆಡ್‌ ಎಫ್‌ಸಿ ತಂಡವು ಬಿಡಿಎಫ್‌ಎ ಎ ಡಿವಿಷನ್ ಫುಟ್‌ಬಾಲ್‌ ಲೀಗ್‌ ಪಂದ್ಯದಲ್ಲಿ ಶುಕ್ರವಾರ ಆದಾಯ ತೆರಿಗೆ ಎಫ್‌ಸಿ ತಂಡವನ್ನು 4–1 ಗೋಲುಗಳಿಂದ ಸೋಲಿಸಿತು.

ಅಶೋಕನಗರದ ಬೆಂಗಳೂರು ಫುಟ್‌ಬಾಲ್‌ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಬೆಂಗಳೂರು ಡ್ರೀಮ್‌ ಪರ ಜೈ ಹರಿ ಬರ್ಮನ್‌ (59ನೇ ನಿ, 71ನೇ ಮತ್ತು 80ನೇ ನಿ.), ಮಿರವ್‌ ನವೀನ್‌ ಖಾಬಿಯಾ (63ನೇ ನಿ.) ಗೋಲು ಹೊಡೆದರು. ಆದಾಯ ತೆರಿಗೆ ತಂಡದ ಪರ ಅಕ್ಷಯ್‌ ಕೆ.ಎಸ್‌. (38ನೇ ನಿ.) ಗೋಲು ಗಳಿಸಿದರು.

ಇನ್ನೊಂದು ಪಂದ್ಯದಲ್ಲಿ ಬಿಟಿಎಂ ಎಫ್‌ಸಿ 7–0 ಗೋಲುಗಳಿಂದ ಡಿವೈಇಎಸ್‌ ಫುಟ್‌ಬಾಲ್‌ ಕ್ಲಬ್‌ ತಂಡದ ಮೇಲೆ ನಿರಾಯಾಸ ಜಯ ಸಾಧಿಸಿತು. ಬಿಟಿಎಂ ತಂಡದ ಪರ ಪುಯಿರಿಂಗ್‌ಶಾಂಗ್‌ ಖೊಡಾಂಗ್‌ (16ನೇ ನಿ. 53ನೇ ನಿ.), ಆಯುಷ್‌ ಡೇವಿಡ್‌ ಕೋಶಿ (26, 30ನೇ ನಿ.), ನಕ್ಷತ್ರ ಜೈನ್‌ (40ನೇ ನಿ.), ಮುಗಿಲನ್‌ ಎಂ. (84ನೇ ನಿ.) ಥೆಮ್ನಗಾಮ್‌ ಹೆಚ್‌.ಆರ್‌ (90ನೇ ನಿ.) ಚೆಂಡನ್ನು ಗುರಿ ಸೇರಿಸಿದರು.