ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಬೆಂಗಳೂರು: ಭಾರತ ಫುಟ್ಬಾಲ್‌ ತಂಡದ ಮಾಜಿ ಆಟಗಾರ ನಲ್ಲಪ್ಪನ್‌ ಮೋಹನ್‌ರಾಜ್ ಅವರು ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್‌ ಆಗಿ ಮರುನೇಮಕಗೊಂಡಿದ್ದಾರೆ.

‘ಐ–ಲೀಗ್‌ 2ರ 2025–26ನೇ ಆವೃತ್ತಿಯಲ್ಲಿಯೂ ಮೋಹನ್‌ರಾಜ್ ಅವರೇ ಮುಖ್ಯ ಕೋಚ್‌ ಆಗಿ ಮುಂದುವರಿಯಲಿದ್ದಾರೆ’ ಎಂದು ನಿಮಿದಾ ಸ್ಪೋರ್ಟ್ಸ್‌ ಸಂಸ್ಥಾಪಕ ಗೌರವ್‌ ಎಂ. ತಿಳಿಸಿದ್ದಾರೆ. ಈ ಸಂಸ್ಥೆಯು, ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮಾಲೀಕತ್ವ ಹೊಂದಿದೆ.

ಕಳೆದ ಆವೃತ್ತಿಯಲ್ಲಿ ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡವು ನಾಲ್ಕನೇ ಸ್ಥಾನ ಪಡೆದಿತ್ತು.