ಹಾಕಿ: ಬ್ಲ್ಯೂಸ್ಟಾರ್‌ ಕ್ಲಬ್‌ ಜಯಭೇರಿ

ಬೆಂಗಳೂರು: ಬ್ಲ್ಯೂಸ್ಟಾರ್ ಹಾಕಿ ಕ್ಲಬ್ ಬಿ ತಂಡವು ಇಲ್ಲಿ ನಡೆಯುತ್ತಿರುವ 94ನೇ ತಿರುವಾಂಕೂರ್ ಹಾಕಿ ಟೂರ್ನಿಯ ಪಂದ್ಯದಲ್ಲಿ ಜಯಿಸಿತು. 

ಕೆಎಸ್‌ಎಚ್‌ಎ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಟೂರ್ನಿಯಲ್ಲಿ ಶುಕ್ರವಾರ ಬ್ಲ್ಯೂಸ್ಟಾರ್ ತಂಡವು 5–2ರಿಂದ ನವೀನ್ ಹಾಕಿ ಕ್ಲಬ್‌ ವಿರುದ್ಧ ಜಯಿಸಿತು. ವಿಜೇತ ತಂಡದ ಶ್ರೇಯಸ್ (11ನಿ, 39ನಿ) ,  ಗಾಡ್ವಿನ್ (44ನಿ, 50ನಿ) ಹಾಗೂ ಮಲ್ಲಿಕಾರ್ಜುನ್ (47ನಿ) ಗೋಲು ಗಳಿಸಿದರು. ನವೀನ್ ಹಾಕಿ ಕ್ಲಬ್ ತಂಡದ ದೀಪಕ್ (9ನಿ ಮತ್ತು 15ನಿ) ಎರಡು ಗೋಲು ಹೊಡೆದರು.