ADVERTISEMENT

ಬ್ಯಾಸ್ಕೆಟ್‌ಬಾಲ್‌: ರಾಜ್‌ಕುಮಾರ್‌ ಬಿ.ಸಿ ತಂಡಕ್ಕೆ ಜಯ

​ಪ್ರಜಾವಾಣಿ ವಾರ್ತೆ
Published 20 ಜುಲೈ 2025, 16:30 IST
Last Updated 20 ಜುಲೈ 2025, 16:30 IST
<div class="paragraphs"><p>ಬ್ಯಾಸ್ಕೆಟ್‌ಬಾಲ್‌</p></div>

ಬ್ಯಾಸ್ಕೆಟ್‌ಬಾಲ್‌

   

ಬೆಂಗಳೂರು: ರಾಜ್‌ಕುಮಾರ್‌ ಬ್ಯಾಸ್ಕೆಟ್‌ಬಾಲ್‌ ಕ್ಲಬ್‌ ತಂಡವು ಎಸ್‌. ರಂಗರಾಜನ್‌ ಸ್ಮರಣಾರ್ಥ ಟ್ರೋಫಿಗಾಗಿ ನಡೆಯುತ್ತಿರುವ ರಾಜ್ಯ ‘ಸಿ’ ಡಿವಿಷನ್‌ ಲೀಗ್‌ ಪುರುಷರ ಬ್ಯಾಸ್ಕೆಟ್‌ಬಾಲ್‌ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ 62–51ರಿಂದ ಮೌಂಟ್ಸ್‌ ಕ್ಲಬ್‌ ತಂಡದ ಎದುರು ಜಯಸಾಧಿಸಿತು.

ಕಂಠೀರವ ಕ್ರೀಡಾಂಗಣದ ಬ್ಯಾಸ್ಕೆಟ್‌ಬಾಲ್‌ ಕೋರ್ಟ್‌ನಲ್ಲಿ ಭಾನುವಾರ ನಡೆದ ಲೀಗ್‌ ಪಂದ್ಯದಲ್ಲಿ, ರಾಜ್‌ಕುಮಾರ್‌ ಬಿ.ಸಿ ತಂಡವು ಆರಂಭದಿಂದಲೂ ಪ್ರಾಬಲ್ಯ ಸಾಧಿಸಿತು. ರಾಜ್‌ಕುಮಾರ್‌ ಬಿ.ಸಿ ಪರ ಧನೀಷ್‌ 19 ಅಂಕ ಗಳಿಸಿದರೆ, ದೇವಿಪ್ರಸಾದ್‌ 13 ಪಾಯಿಂಟ್ಸ್‌ ಕಲೆಹಾಕಿದರು.

ADVERTISEMENT

ಮೌಂಟ್ಸ್‌ ಕ್ಲಬ್‌ ತಂಡದ ಬಿನು 15 ಅಂಕ ಸಂಪಾದಿಸಿದರು.

ಇನ್ನೊಂದು ಪಂದ್ಯದಲ್ಲಿ ಎಚ್‌ಬಿಆರ್‌ ಬಿ.ಸಿ ತಂಡವು ಸಾಯಿ ಸಂಕೇತ್‌ (23 ಅಂಕ) ಹಾಗೂ ಶಶಿಧರ್‌ (19 ಅಂಕ) ಆಟದ ಬಲದಿಂದ 75–65ರಿಂದ ಹೂಪ್ಸ್‌ 7 ಬಿ.ಸಿ ತಂಡವನ್ನು ಸೋಲಿಸಿತು. ಹೂಪ್ಸ್‌ ಬಿ.ಸಿ ತಂಡದ ಪ್ರಾಣೇಶ್‌ (30 ಅಂಕ) ಹಾಗೂ ಸಮರ್ಥ್‌ (21 ಅಂಕ) ಪ್ರಬಲ ಪೈಪೋಟಿ ನೀಡಿದರೂ, ತಂಡವನ್ನು ಗೆಲುವಿನ ದಡ ತಲುಪಿಸಲಾಗಲಿಲ್ಲ.

ಎಮ್‌ಇಜಿ & ಸೆಂಟರ್‌ಗೆ ಜಯ: ಲೀಗ್‌ನ ಮತ್ತೊಂದು ಪಂದ್ಯದಲ್ಲಿ ಎಮ್‌ಇಜಿ & ಸೆಂಟರ್‌ ತಂಡವು 85–62ರಿಂದ ಡಿಆರ್‌ಡಿಒ ತಂಡದ ವಿರುದ್ಧ ಗೆಲುವು ಸಾಧಿಸಿತು. ಎಮ್‌ಇಜಿ & ಸೆಂಟರ್‌ ತಂಡದ ಅಮಲ್‌ ಎಸ್‌. 23 ಅಂಕ ಹಾಗೂ ಜಿನು ಥಾಮಸ್‌ 19 ಅಂಕ ಗಳಿಸಿ, ಗೆಲುವಿನಲ್ಲಿ ಮಹತ್ವದ ಪಾತ್ರ ವಹಿಸಿದರು.

ಡಿಆರ್‌ಡಿಒ ಪರ ರಾಕೇಶ್‌ 14 ಅಂಕ ಹಾಗೂ ಶಾನ್‌ 12 ಪಾಯಿಂಟ್ಸ್‌ ಕಲೆಹಾಕಿದರು.

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.