ಅಮೆರಿಕ ಓಪನ್ ಗಾಲ್ಫ್‌: ಲಾಹಿರಿಗೆ ನಿರಾಸೆ

ಪೇಬೆಲ್ ಬೀಚ್: ನೀರಸ ಆಟವಾಡಿದ ಭಾರತದ ಅನಿರ್ಬನ್ ಲಾಹಿರಿ ಇಲ್ಲಿ ನಡೆಯುತ್ತಿರುವ ಯುಎಸ್ ಓಪನ್ ಗಾಲ್ಫ್ ಚಾಂಪಿಯನ್‌ಷಿಪ್‌ನ ಮೊದಲ ಸುತ್ತಿನಲ್ಲೇ ಹೊರ ಬಿದ್ದರು.

31 ವರ್ಷದ ಅನಿರ್ಬನ್‌ಗೆ ಇದು ಈ ವರ್ಷದ ಮೊದಲ ಮಹತ್ವದ ಟೂರ್ನಿಯಾಗಿತ್ತು. ನಿರೀಕ್ಷೆಗೆ ತಕ್ಕಂತೆ ಆಡಲು ವಿಫಲರಾದ ಅವರು ಮೊದಲ ದಿನವೇ ನಿರಾಸೆಗೆ ಒಳಗಾಗಿದ್ದರು.

ಶನಿವಾರದ ಅಂತ್ಯಕ್ಕೆ ಜಸ್ಟಿನ್ ರೋಸ್ ಅವರನ್ನು ಹಿಂದಿಕ್ಕಿ ಗ್ಯಾರಿ ವುಡ್‌ಲ್ಯಾಂಡ್ ಅಗ್ರ ಸ್ಥಾನವನ್ನು ತಮ್ಮದಾಗಿಸಿಕೊಂಡರು. ಅಮೆರಿಕದ ಬ್ರೂಕ್ಸ್ ಕೋಪ್ಕಾ ನಂತರದ ಸ್ಥಾನದಲ್ಲಿದ್ದಾರೆ.