ಕಟಕ್ : ರೋಚಕ ಹಣಾಹಣಿಯಲ್ಲಿ ಇಂಗ್ಲೆಂಡ್ ತಂಡವನ್ನು ಮಣಿಸಿದ ಆತಿಥೇಯ ಭಾರತ ತಂಡ ಕಾಮನ್ವೆಲ್ತ್ ಟೇಬಲ್ ಟೆನಿಸ್ ಚಾಂಪಿಯನ್ಷಿಪ್ನ ಪುರುಷರ ವಿಭಾಗದ ಪ್ರಶಸ್ತಿ ಗೆದ್ದುಕೊಂಡಿತು. ಸಿಂಗಪುರ ವಿರುದ್ಧ ಗೆದ್ದ ಮಹಿಳಾ ವಿಭಾಗದವರು ಚೊಚ್ಚಲ ಪ್ರಶಸ್ತಿಗೆ ಮುತ್ತನ್ನಿಕ್ಕಿದರು.
ಶುಕ್ರವಾರ ಇಲ್ಲಿ ನಡೆದ ಫೈನಲ್ ಹಣಾಹಣಿಯಲ್ಲಿ ಪುರುಷರ ತಂಡ 3–2ರಲ್ಲಿ ಮತ್ತು ಮಹಿಳೆಯರ ತಂಡ 3–0ಯಿಂದ ಜಯ ಸಾಧಿಸಿತು. ಈ ಮೂಲಕ 1997ರಿಂದ ಆಧಿಪತ್ಯ ಸ್ಥಾಪಿಸಿದ್ದ ಸಿಂಗಪುರಕ್ಕೆ ನಿರಾಸೆ ಮೂಡಿಸಿತು.
ಸೂರತ್ನಲ್ಲಿ ಕಳೆದ ಬಾರಿ ನಡೆದಿದ್ದ ಚಾಂಪಿಯನ್ಷಿಪ್ನಲ್ಲಿ ಪ್ರಶಸ್ತಿ ಗೆದ್ದಿದ್ದ ಪುರುಷರ ತಂಡಕ್ಕೆ ನಿರ್ಣಾಯಕ ಹಂತದಲ್ಲಿ ಜಯ ತಂದುಕೊಟ್ಟ ‘ಬರ್ತಡೇ ಬಾಯ್’ ಹರ್ಮೀತ್ ದೇಸಾಯಿ ಮಿಂಚಿದರು. ಮಹಿಳೆಯರ ತಂಡಕ್ಕೆ ಕರ್ನಾಟಕದ ಅರ್ಚನಾ ಕಾಮತ್ ಆರಂಭದಲ್ಲಿ ಮುನ್ನಡೆ ಗಳಿಸಿಕೊಟ್ಟಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.