ರಾಜ್ಯ ರ‍್ಯಾಂಕಿಂಗ್‌ ಟಿಟಿ: ಸಿದ್ಧಾಂತ್‌ಗೆ ಪ್ರಶಸ್ತಿ

ಬೆಂಗಳೂರು: ಮಲ್ಲೇಶ್ವರಂ ಅಸೋಸಿಯೇಷನ್‌ ಆಶ್ರಯದ 5ನೇ ರಾಜ್ಯ ರ‍್ಯಾಂಕಿಂಗ್ ಟೇಬಲ್‌ ಟೆನಿಸ್‌ ಟೂರ್ನಿಯ 13 ವರ್ಷದೊಳಗಿನವರ ವಿಭಾಗದಲ್ಲಿ ನಗರದ ಸಿದ್ಧಾಂತ್‌ ಎಂ. ಅವರು 13 ವರ್ಷದೊಳಗಿನವರ ವಿಭಾಗದ ಸಿಂಗಲ್ಸ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

ಅಸೋಸಿಯೇಷನ್‌ ಸಭಾಂಗಣದಲ್ಲಿ ಗುರುವಾರ ನಡೆದ ಫೈನಲ್‌ನಲ್ಲಿ ಸಿದ್ಧಾಂತ್‌ 11–7, 11–8, 11–8 ರಿಂದ ಆರ್ನವ್‌ ಮಿಥುನ್‌ ವಿರುದ್ಧ ಜಯಗಳಿಸಿದರು.

ಸೆಮಿಫೈನಲ್‌ ಪಂದ್ಯಗಳಲ್ಲಿ ಸಿದ್ಧಾಂತ್ 9–11, 11–8, 11–7, 12–10 ರಿಂದ ರಿಯಾನ್ಶ್‌ ಗರ್ಗ್ ಅವರನ್ನು, ಆರ್ನವ್‌ 9–11, 11–5, 11–6, 11–5 ರಿಂದ ಸಿ.ಎಂ.ಹರ್ಷಿತ್ ಅವರನ್ನು ಪರಾಭವಗೊಳಿಸಿದ್ದರು.