ಟೆನಿಸ್‌: ಚೀನಾಗೆ ಮಣಿದ ಭಾರತ

ದುಬೈ: ಭಾರತದ ಮಹಿಳಾ ತಂಡ ಫೆಡ್‌ ಕಪ್‌ ಟೆನಿಸ್‌ ಟೂರ್ನಿಯ ತನ್ನ ಮೊದಲ ಪಂದ್ಯದಲ್ಲೇ ಮುಗ್ಗರಿಸಿದೆ.

ಮಂಗಳವಾರ ನಡೆದ ಏಷ್ಯಾ ಒಸೀನಿಯಾ ಗುಂಪು–1ರ ಹಣಾಹಣಿಯಲ್ಲಿ ಭಾರತ 0–2ರಲ್ಲಿ ಚೀನಾ ಎದುರು ಸೋತಿತು.

ಮೊದಲ ಸಿಂಗಲ್ಸ್‌ನಲ್ಲಿ ಋತುಜಾ ಭೋಸ್ಲೆ 4–6, 2–6ರಲ್ಲಿ ಜಾಂಗ್‌ ಶೂಯಿ ಎದುರು ಮಣಿದರು. ಇನ್ನೊಂದು ಪಂದ್ಯದಲ್ಲಿ ಅಂಕಿತಾ ರೈನಾ 6–1, 2–6, 4–6ರಲ್ಲಿ ಕ್ವಿಯಾಂಗ್‌ ವಾಂಗ್‌ ವಿರುದ್ಧ ನಿರಾಸೆ ಕಂಡರು.

ಬುಧವಾರ ನಡೆಯುವ ಪಂದ್ಯದಲ್ಲಿ ಭಾರತ ಮತ್ತು ಉಜ್ಬೆಕಿಸ್ತಾನ ಎದುರಾಗಲಿವೆ.