ಟೆನಿಸ್: ರಾಮಕುಮಾರ್‌ಗೆ ಸಿಂಗಲ್ಸ್ ಪ್ರಶಸ್ತಿ

ಮನಾಮ, ಬಹರೇನ್: ಭಾರತದ ರಾಮಕುಮಾರ್ ರಾಮನಾಥನ್ ಅವರು ಚಾಲೆಂಜರ್ಸ್ ಹಂತದ ಟೆನಿಸ್‌ ಟೂರ್ನಿಯಲ್ಲಿ ಮೊದಲ ಬಾರಿಗೆ ಪುರುಷರ ಸಿಂಗಲ್ಸ್‌ ಪ್ರಶಸ್ತಿ ಜಯಿಸಿದರು.

ಮನಾಮದಲ್ಲಿ ಭಾನುವಾರ ನಡೆದ ಎಟಿಪಿ80 ಚಾಲೆಂಜರ್ಸ್‌ ಫೈನಲ್‌ನಲ್ಲಿ 6–1, 6–4ರಿಂದ ರಷ್ಯಾದ ಇವಾಗ್ನಿ ಕಾರ್ಲೊವಸ್ಕಿ ವಿರುದ್ಧ ಜಯಿಸಿದರು. 27 ವರ್ಷದ ರಾಮಕುಮಾರ್ ಈ ಟೂರ್ನಿಯಲ್ಲಿ ಆರನೇ ಶ್ರೇಯಾಂಕದ ಆಟಗಾರನಾಗಿ ಕಣಕ್ಕಿಳಿದಿದ್ದರು. ವಿಶ್ವ ಶ್ರೇಯಾಂಕದಲ್ಲಿ 222ನೇ ಸ್ಥಾನದಲ್ಲಿದ್ದಾರೆ.

ವೃತ್ತಿಪರ ಟೆನಿಸ್‌ಗೆ ಕಾಲಿಟ್ಟು 12 ವರ್ಷಗಳ ನಂತರ ಅವರು ಈ ಸಾಧನೆ ಮಾಡಿದ್ದಾರೆ. ಈ ಜಯದೊಂದಿಗೆ 80 ರ‍್ಯಾಂಕಿಂಗ್ ಅಂಕಗಳನ್ನು ಪಡೆದ ಅವರು 200 ರ‍್ಯಾಂಕ್‌ನೊಳಗೆ ಸ್ಥಾನ ಪಡೆದರು. ಇದರೊಂದಿಗೆ ವಿಶ್ವ ಶ್ರೇಯಾಂಕದಲ್ಲಿ ಅಗ್ರ ರ‍್ಯಾಂಕ್‌ ‍ಪಡೆದ ಭಾರತದ ಆಟಗಾರನಾಗಿದ್ದಾರೆ. ಅವರ ನಂತರದ ಸ್ಥಾನಗಳಲ್ಲಿ ಪ್ರಜ್ಞೇಶ್ ಗುಣೇಶ್ವರನ್ (215) ಮತ್ತು ಸುಮಿತ್ ನಗಾಲ್ (219) ಇದ್ದಾರೆ.