ತಯಾರಿಕಾ ವಲಯದ ಪ್ರಗತಿ ಶೇ 3 ರಷ್ಟು ಇಳಿಕೆ

ನವದೆಹಲಿ: ತಯಾರಿಕಾ ವಲಯದ ಪ್ರಗತಿ ಜುಲೈನಲ್ಲಿ ಶೇ 1.2 ರಷ್ಟಿದೆ. ಕಳೆದ ವರ್ಷ ಇದೇ ತಿಂಗಳಿನಲ್ಲಿ ಇದ್ದ ಶೇ 4.2 ಕ್ಕೆ ಹೋಲಿಸಿದರೆ ಶೇ 3 ರಷ್ಟು ಇಳಿಕೆ ಕಂಡಿದೆ ಎಂದು ಕೇಂದ್ರ ಸಾಂಖಿಕ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯ ಮಾಹಿತಿ ನೀಡಿದೆ.

ಕೈಗಾರಿಕಾ ಪ್ರಗತಿ ಸೂಚ್ಯಂಕದ (ಐಐಪಿ) ಆಧಾರದ ಮೇಲೆ ತಯಾರಿಕಾ ವಲಯದ ಪ್ರಗತಿ ಲೆಕ್ಕ ಹಾಕಲಾಗುತ್ತದೆ.

ಬಂಡವಾಳ ಸರಕುಗಳು ವಲಯದ ತಯಾರಿಕೆ ಕಳೆದ ವರ್ಷ ಜುಲೈನಲ್ಲಿ ಶೇ 8.8 ರಷ್ಟಿತ್ತು. ಅದು 2017ರ ಜುಲೈನಲ್ಲಿ ಶೇ 1ಕ್ಕೆ ಕುಸಿದಿದೆ. ಇದರಿಂದಾಗಿ ತಯಾರಿಕಾ ವಲಯದ ಒಟ್ಟಾರೆ ಪ್ರಗತಿ ಕುಂಠಿತವಾಗಿದೆ. ಗ್ರಾಹಕ ಬಳಕೆ ವಸ್ತುಗಳ ತಯಾರಿಕೆಯೂ ಶೇ 1.3 ರಷ್ಟು ಪ್ರಗತಿ ಕಂಡಿದೆ. ಆದರೆ, ಇಂಧನ ವಲಯದ ಪ್ರಗತಿ ಶೇ 2.1 ರಿಂದ ಶೇ 6.5ಕ್ಕೆ ಏರಿಕೆಯಾಗಿದೆ.