ಪತಂಜಲಿಗೆ ನೋಟಿಸ್‌

ನವದೆಹಲಿ (ಪಿಟಿಐ): ಆಟಾ ನೂಡಲ್ಸ್‌ ಮಾರಾಟಕ್ಕೆ ಅನುಮತಿ ಪಡೆದಿಲ್ಲ ಎಂದು ಆರೋಪಿಸಿ ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರವು (ಎಫ್‌ಎಸ್‌ಎಸ್‌ಎಐ) ಪತಂಜಲಿ ಆಯುರ್ವೇದ ಸಂಸ್ಥೆಗೆ ನೋಟಿಸ್‌ ನೀಡಿದೆ.

‘ಎಫ್‌ಎಸ್‌ಎಸ್‌ಐಎದಿಂದ ಮಂಗಳವಾರ ನೋಟಿಸ್‌ ಪಡೆದಿದ್ದೇವೆ. ಅದಕ್ಕೆ ಶೀಘ್ರವೇ ಉತ್ತರ ನೀಡುತ್ತೇವೆ’  ಎಂದು ಕಂಪೆನಿ ವಕ್ತಾರರೊಬ್ಬರು ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.

ಆಟಾ ನೂಡಲ್ಸ್‌ ಮಾರಾಟಕ್ಕೆ ಪತಂಜಲಿ ಆಯುರ್ವೇದ ಸಂಸ್ಥೆ ಅನುಮತಿ ಪಡೆದುಕೊಂಡಿಲ್ಲ ಎಂದು ಪ್ರಾಧಿಕಾರ ಆರೋಪಿಸಿದೆ. ಆದರೆ ಯಾವುದೇ ನಿಯಮ ಉಲ್ಲಂಘಿಸಿಲ್ಲ ಎನ್ನುವುದು ಕಂಪೆನಿಯ ವಾದವಾಗಿದೆ.